Mizaaniyyat Liggidak Tabna Alsih Addat 600 Biliyeenih Birrik Daga Yakke Culenta Gaaboysaanam Duudumteh Tanim -Gumruuk Komshiini

 

Addis Ababa Laqinik 4/2018(ENA):Mizaaniyyat Liggidak Tabna Alsih Addat 600 Biliyeenih Birrik Daga Culenta Gaabosaanam Duudumteh Tanim Gumruuk Komishiinik Komshineer Xebele Qhebeta(PHD) Qaddoose .

Kumushineer Xebele Qhebeta(PhD) 2018 Haytô Liggidak 10 Alsih Addat Tekke Taamoomi Wagsiisaak Mangaafâ Retteemaamih Maybalaalaqay Yece.

Ta Maybalaalaqaay Itiyoppiyak Maaliyyah Ludda Dadlisoonuh Kee Diggoysoonuh Taturteh Tan 10 Alsih Addat 598 Ximmooy 91 Biliyyeenih Birri Gaaboysoonuh Ikraarisak 600 Bilyeenih Birri Gaabowtam Duudumteh Tanimiiy Yiysixxige.

Digga Le Kattat Kee Lowsiis Taama Abakaay Ayfaafay Mattaco Qasrisak Siitalluk Taamitaanamih Siirat Diggoysak Kontro Banxi Raamoysaanam Duudumteh Tanimiiy Baxxaqise.

Tabna Alsih Addat Tekke Taamak Lakqoh Caddo Amolladih 600 Ximmooy 23 Biliyeenih Birri Kinnih Tanimiiy Yescesse.

Asanatak Tabna Alsih Abnisso Tatre Sanatih Abnissok Boolul 75 Ximmooy 29 Gaba Ossiikah Leh Tanim Tahallihiiy Baxxaqise.

Amok Radâ Fokkaaqo Edde Tekkeh Tan Alhumittek Dubuh 2 Ximmooy 864 Biliyeenih Birrih Innah Tanim Lowsiissaanam Duudumteh Tanimiiy Kassiise.

Tabna Alsih Addat Kontro Banxi Lowsiisaanamal Ayynta Uguugusakaay Digga Lowsis Abak 279 Ximmooy 855 Biliyeenih Birri Raaqisaanam Duudumteh Taniimitiiy Yaabe.

Asanatih Abnisso Tatre Sanatâ Luk Qeedaalisnah Nan Way 54 Ximmooy 86 Gaba Boolul Ossotina Abbinoysaanam Duudumteh Tanimiiy Yescesse.