Qaafiyat Fanteenaani kee Xayyos Guddos Daabissa Taamoomi Maqarroowak Geytimta.

 

Addis Ababa Laqinik 04/2018 (ENA) Qaafiyat Fanteenaani kee Xayyos Guddos Daabissa Taamoomi Maqarroowak Geytimtam Qaafiyat Malaak Dr Meqxes Xaaba Qaddossem.

Ummattah Awlaytitih Malah Buxa Gexisseh Tan 5heele Taama Dabaanak 20heele Madabiini Koboxul Qaafiyat Malaak Dr Meqxes Xaabal Malâ Buxah Adoytit Ugusseh Tan Esserooral Raddiiy Gacissem.

 

Xisnenal Satqoqi Taqabi Raaqisonuh Rakaakayak Qaafiyat Biirorak Luddi Miraacinnu Kee Doolat Akke Sinni Cugaysosa Luk Taamitak Geytimanam Qaddoyse.

Agat Xaylo Rakiibo Le Qaafiyat Ayfaf Xayikkek Geyonuh Qusba Xisosa Gexsisanam Xabanat Sugte Qaafiyat Xisosa Loonuh Yanin Dudda Fayya Haanam Kee Caddo Keenik Yaysiseenimih Taama Baarluk Akkuk Geytimtam Tescessem.

 

Tekke Abinittel Inonti Kee Alaaqa Raba Raaqisonuh Fayyale Caddo Ramma Haanam Xiiqimteh Tanim Kinnuk, Baxsaluk Xalay Uddur Taafe Inonti Raba Raaqisanam Duddumtem Baxxaqissem.

Baad Caddol Daffeysen Hadafittek Raqta Taamoomi Tanim Kinnuk Satqoqi Xayyos, Xisoosa Xisne Kee Ambulance Ayfaf Sehdayti Caylih Xisso Ciggilta Taamal Faxximtam Yescessen.