Itiyoppiya Beerah Bictah Tan Hora Xissuh Madqa kee Pooliisit Cattiimta Alqiinok Afah Taddeerah Uguugus Abbinoosak Geytimta

 

Addis Ababa Laqinik 03/2018 (ENA) Ityoppiyah Beerah Bictah Tan Hora Xissuh Madqa kee Pooliisit Cattiima Alqiinok Afah Taddeerah Uguugus Abbinoosak Geytimta Ciggiila Naharsi Malaak Gifta Temesgen Tiruneh Qaddoysem.

Ciggiila Naharsi Malaak Qusba Baad Caddoh Alqiinok Afah Taddeera Qaduuk Fakem.

 

Itiyoppiya Sehdal Hangi Hayta Daddos Fakanitte Elle Abbinossah Tan Taddeerak Alqiinok Afah Taddeera Tiyak Teena Kinnim Baxxaqsem.

Doolat Alaaqah Yasgalle Dadal Kee Dacayri Madqa kee Pooliisit Cattiimta Taamoomi Abak Geytimtam Yescessem.

 

2015 Aysiisuk Faaticimeh Yan Baaxoh Caddoh Alqiinok Afah Taddeerah Pooliisih Mafdagaay, Tannah 2017ih Faaticimeh Yan Amolladi Barittoh Kukta Ugtuma Abak 35alfiik Dagah Madabak Nahar Barittoh Buxaaxi Inkih Tan Baaxoh Caddol Abbinoowak Geytimam.

 

Doolat Leeda Daabissuh Oggoysimle Alqiinok Afah Taddeerah Daddos Inkih Tan Baaxol Garuqluk Taamitak Geytimtam Diggoysem.

Alaaqal Taamitaanam Beeri Baaxooy, Qaranguba kee Baadal Taamitaanam Kinniimih Taagah Foocah Haanam Faxximtam Kassiisem.