Ogoysimiyya Le Qaafiyat Gaadih Taddeerak Qimbisisso Samara Magaalal Gexisen.

 

Addis Ababa,Laqin Alsa 3,2018 (ENA) Ogoysime le Qaafiyat Fokkaqo Kee Dayli Gaaduy 15 Ayro Suguwaak Qimbisisiyyi Taddera Asaaku Samara Magalalal Gexisen

Federaalak Qaafiyat Malaak Kee Rakaakayak Qaafiyat Biiro Sittallih Gexissah Tan Qaafiyat Gablusiyya Kee Biyak Kalalih Taddiray Asaaku Qimbisiiseeniliiy Bilhardiyaay,Bagidaariyaay,Megan Afih Kanseriiy ,Maaqo Massaammaay,TB /Labha Doore Kee Qabali Manga Edde Anuk Fokkaaqo Kee Dayla Gexiseeloonum Timixxige.

Tama Taddirah Qimbisiisil Federaalak Qafiyat Malaakih Xeetaay Baritto Malaakih Awalaytuuy , Baadak Maaqiidi Kibaalih Awalaytuuy Rakaakayak Qaafiyat Biiroh Miraciinuuy, Baritto Biiroh Miraaciinu Baxaabaxsale Maglableela Elle Geytimte.

 

Qaafiyat Malaakaak Malaak Xeetah Yan Dr Dereje Tama Aracal Geytimaak Abeh Yan Yaabal Barteena Qaafiyat Geysiisak Mabla Kaak Yaysiiseenim Inkih Yan Ayyuntih Tuxxiiqi Fayya Haanam Kinnimiik Ugutak Doolat Qaafiyat Taamoomi Kalah Tan Taamoomih Addat Akah Takkennah Abak Geytimaanam Kassiise.

Baaxo Caddol Tabaatabtah Tan Dalkooki Dubuh Hinnay Tabe Wayta Dalkookih Agantah Akah Lowsiisan Innah Abak Geytimaanam Yiysixxige.

Maaqo Dagiinah Yabbixeh Yan Taqabi Isikkeh Dalkaay Dalka Kinnim Dubuh Hinnay Kulli Dalka Xeh Dagarat Cultuh Sabab Kinnim Kassiise.

Agaaduk Hadaf Annah Tan Dalkooki Baritto Buxaaxil Inkih Bayisiiy Kaxxam Addah Hayi Yakkoonu Kinnim Qaddoose.

 

Qaafiyat Biiroh Saqal Gifta Yaasiin Cabiib Ta Aracal Geytimak Tatruseh Yan Farmol Away Gexisan Gaadi Baaxo Caddol Ummattak Qaafiyat Taqabi Kalaanam Kee Meqe Xalu Bahta Barteenit Ginaanamal Kaxxa Tuxxiq Allelem Qaddose

Qaafiyat Waytoh Baritto Yargaqeenim Elle Daggoosaanam Xiqan Taddiira Kinnuuk Yeexegen Exxak Qambaalaanama Hinnay Inkih Yan Marih Gabat Agle Faxsiisam Nummasen.

 

Rakaakayak Baritto Biirok Naharsi Saqal Dr. Muusa Adam Ta Gaadu Wagsiisaak Iyyeemih Agaadu Kulli Barteeni Qaafiyatak Elle Yan Caddo Kee Kaah Faxxiima Qokol Geekkah Raaqewaam Faxximtam Kassissen.

Baxsalukuuy Maaqiddi Massaamma Leh Yan Urri Qaafiyat Le Mesenkaca Mayaallaay Meqe Xalu Baaham Xiqe Waam Kassiisak Maaqiddi Qafiyataay Barittot Inkih Axawah Yaniimih Taagah Mango Barittoh Buxaaxil Maaqidda Xayyoosak Barisaanam Qaddosen.

Agaaduluuy Galab Akak Xagen Dalkooki Edde Anuk Maaqiddi Dagiinah Taqabi Elle Geytimah Yan Barteenit Meexak Calli Akah Geyan Innah Abeloonum Yescessen.

 

Badak Maaqiddi Kibaalih WFP Awlaytoh Tan Gifti Saria Mulumu Annah Tan Gaaditte Mango Baaxol Gexisak Yemeenteenim Kee Aham Fan Elle Gexisen Baaxooxal Meqe Xalu Geysissem Duddah Tanim Qaddoose