Dacarsittoh Xiinah Ayyuntak Saqi Qaysoh Ardil Taafeh Tan Dalka Elle Kalalanam Kee Elle Kattatanam Xiiqan Siiratal Kusaq Walalih Gudgud Samarâ Magaalal Gexsen

 

Addis Ababa Laqin Alsak 01/2018(ENA)  Dacarsitto Kee Garab-Dacarsittoh Xiinak Ardil Yamulleh Yan Finqa Kee Taafeh Tan Dalka Elle Kalalanam Kee Elle Kattatanam Xiiqan Siirat Wagsisak Biceh Yan Kussaqal Rakaakayak Fayyale Miracinnu Kee Maglablela Kee Seeco Akah Tekke Dagorti Elle Geytimte.

 

Tama Gudgudul Yabti Fakkenta Abteh Tanim Rakaakayak Ciggila President Kee Ardi Xiinisso Biiro Saqal Gifta Qumar Nuur Iyeemih Awayih Uddur Rusqa Milaaguuy, Qabaraay, Wayyane Caxah Warar Kee Akki Taqabittet Dacarsitto Xiinah Ayyuntal Kaxa Taqabi Kataysak Geytima.

Aham Kaadu Saqi Qayso Ardi Weelo Waktil Kattatanam Kee Gital Tan Oytat Miraacsimak Maragaqa Yaconuh Xiiqmtah Tanim Kee Qasrino Le Siirat Ginanam Faxximtah Tanim Gifta Nuur Qarba Qaddoyse.

 

Asaaki Gudgud Baxsaluk Qafar Rakaakayak Saqi Qaysoh Ardi Gadda Dacarisonu Kee Daddoysonuh Ayfaf Taace Policy Kee Daddos Afkanitte Diggoysonuh Kaxxa Doori Leh Yan Gudgud Kinnih Tanim Yescesse.

Saqi Murti Kee Murtisso Fayya Hoonuh Baxsaluk Saqi Qayso Ardi Kattatanam Kee Lowsisanama Faxximtah Tanim Yescesseh Yan Rakaakayak Saq Kee Kullumti Gaddih Daddos Biiro Saqal Gifta Ibraahim Macammad Faxximtah Tan Oytitte Kee Maggaraqooqi Ta Siiratak Geyanam Xiiqmtah Tanim Qaddoyse.

 

Ellacabol Buqre Transformation Institute Saq Kee Kabxa Xayrokter Doktor Yusuf Makash Elle Qaddoyseh Yan Innal Dacarsitto Xiina Kee Garab-Dacarsitto Xiinah Leh Tan Saqi Gaddat Elle Yantifiqeenim Xiiqmta Gurral Taamitah Tan Cugayso Kinnih Tanim Kasisak Cugayso Taama Fan Cula Uddur Baxsaluk Qafarak Dacarsitto Xiinah Ayyunta Kaxxa Tuxiq Leh Yanim Yescesse.