Afrikak Baad Caddoh Daalisso Qusba Gurral Diggoysaanamal Hangi Haah Yan Gudgud

 

Addis Ababa Qasa-Dirrik 30/2018(ENA )Qinboh Addah Ayyunttiinô Rettiimal Tamixxigeh Tan Maritteh Daffeyna Hinnammay Gud-Gud(ASMIS2026) Afrikah Inayta Addis Ababal Gexsitakaay Geytima.

Ta Daffeyna Hinnammay Gid-Guduuy Afrikaay Baad Caddol Leh Tan Arac Kee Mablaay Qusba Addah Edde Bicsaanaah Missoysaanah Yanin Gud-Guduuy Kinnim.

Ta Aydaadi Gud-Gud Qaadâ Mangetinaanek Taturak Istraatejiikik Tan Walalittee Kee Milaagu Bahsissam Dudda Mablooli Elle Uguttu Wautah Tan Digga Le Gud-Guduuy Kinni.Qaran Gubah Caddol Dijjitaal Rettimal Mamaxxaga Leh Tan Maritte Elle Geytimteh Tan Gud-Gud Kinnuuk Qaagooy,Hadliyyaa Kee Xiiq Angaaraw Ginak Afrika Leh Tan Dudda Baadah Edde Yaysexeexegen Gud-Guduuy Kinnim.

 

Henequen Tan Maritteey Addis Ababak Sissin Fanteenaanit Gufne Abeenih Yaniinim Kee Gulkelek Injeera Mortissoh Fantteenaa Kee Artifishaal Intelegjensi(AI) Fanttena Edde Anukuuy Tahaay Itiyoppiya Afrikal Lukuk Sugteh Tan Caddoo Kee Wuxih Leh Tan Caddo Taybullem Kinnih Tanimiiy Kasiisen.

Ta Gufneenat Tengeleh Tan Maritteey Tobokiinuu Kee Siitalluk Alliyya Elle Diggisseenih Yaniinim Kee Qaran Gubah Caddol Qasriinooy,Baad Caddoh Mablaa Kee Afrikah Daalisso Baada Yaaxaguh Kaxxa Doori Digrteh Tan Taddeera Kinnih Taniimitiiy Yaaben.

Asaaku Ta Gud-Guduuy Qaadah Aysaxaaxagak Istiratejiikik Tan Walalitte Fan Tabeh Yanim Kee Sissin Walalitte Qadawâ Kasittoh Muuziyeemil Gexsitakaay Geytimta.