Fayyale Caddoh Paanaal Walal Elle Yakke Afrikak Ayyuntiinô Retteemah Diihayleelah Kobox 

 

Addis Ababa Qasa Dirrik 30/2018 (ENA) Qimboh Addah Gexsitah Afrikan Ayyuntiinô Retteemah Diihayleelah Kobox nammay haytoh ayro gexsitak geytimam.

 

Palsi of Afrika Miixiya kee Ji tek Interpiraayzilluk cattiimak missoysen ta kobox afrikak nummale weelo baad yaysexegoonuh kee xijjitaal daalisso leen yakkeenim hadafah leh yan kobox kinnim. 

 

Ta aydaadi koboxul 30uk daga takke afrikah baaxooxak tewqe 61takke Diihayleela edde angaluk geytimtah tan way sittat 321 miiliyeen katayan canka maritte edde angaluk geytimtam. 

 

Tahak kalah amolladih sittat 150miiliyeenih katayta maritte leh tan itiyoppiyah Diihayleela ta koboxul qusba aydaadu fiirisoonuh edde angaluk geytiman. 

 

Ta koboxut tangaleh tan maritte Qimboh ayroh assental Artifishaal Intelejensih inistitiyuuy, Addis internaassinal konveshin Fanteenal gexsitak geytinta Itiyoppiya Tamrutay Ekispo kee gulellej injeera murtissit gufneey aben. 

 

Addis Ababal akkuk geytinta nabah tan Gugaysoosa kee koriixer daddoosih tamoomiiy baxaabaxsale daddoos tamoomit meekitak gufneey aben.

 

Asaakih assental Artifishaal Intelejensit antifiquk addatinoh caalatal afrikah weelo xisaanam kee Xijjitaal mammaasa afrikah eglak 2063 ajenxalluk asgoorowuk elle walaloonum qaddoysen.