Itiyoppiyak Qaran Merrayti Aviyeeshin Exxal Afrika Raaqe Baadat Yasgooroweenimil Kaxxa Doori Digrak Geytima - ENA Qafar Afa
Itiyoppiyak Qaran Merrayti Aviyeeshin Exxal Afrika Raaqe Baadat Yasgooroweenimil Kaxxa Doori Digrak Geytima
Addis Ababa Qasa Dirrik 29 Sanat 2018 (ENA) Itiyoppiyak Qaran Merrayti Aviyeeshin Exxal Afrika Raaqe Baadat Yasgooroweenimil Kaxxa Doori Digrak Geytimam Erbas Afrikah Qaran Merraytih Saqal Qaddoyse.
Murti kee Ayfaafay Baad Qadaagah Xayyoysaanamih Caddol Itiyoppiyak Qaran Merrayti tellemmo kee investimenti Aysissikuk geytimam Itiyoppiyak Cado Murti Iroh Rubta Eglah Perezxanti Khalifa Cuseen Yescessem.
Itiyoppiyak Qaran Merrayti Afrikak Baad Caddoh Asta Kinnimit Yaabem.
Erbas Afrikak Qaran Merraytuk Marketingih Xarekter Yup Ilersi Itiyoppiyak Xaagi Raceenah Elle Qaddoysennal Aviyeeshin Inxastiri Qaranguba Tellemmo kee investimenti Fantaaxaw ginaanamal kaxxa doori leh tan exxa kinnim Qaddoysem.
Itiyoppiyak Qaran Merrayti Taturte 80 Sanootat Haadiyyi Ayfaafayal Afrika Raaqe Baadat Tasgoorowe Nabah Tan Qaranguba Fanteena Kinnim Baxxaqsem.
Foocah Erbas Itiyoppiyak Qaran Merraytulluk leh yan qokol maqarroysak Aviyeeshin Aydakaakanal sittalih taamiteloonumut yaabem.
Qaran merrayti haadiyyi Ayfaafay baarisak yemeetem murti kee Ayfaafay Xayyoysak tellemmo kee investimenti qokol maqarroysak geytimam qaddoysem.