Laqin Dariifah Mano Maysaasah Cuggayso (LLRP) Dubte Daqaaral Xisseh Tan Eglaali Assakat Le Taamoomi Abak Geytintam Timixxige . - ENA Qafar Afa
Laqin Dariifah Mano Maysaasah Cuggayso (LLRP) Dubte Daqaaral Xisseh Tan Eglaali Assakat Le Taamoomi Abak Geytintam Timixxige .
Addis Ababa ,Qasa-Dirrik 28,2018,(ENA)Awsi Rasuk Dubte Daqaaral Laqin Dariifah Mano Maysaasah Cuggayso (LLRP) Qokol Akah Abteh Tan 12 Takkeh Tan Eglaali Elle Xissiimenih Yanin Buqree Kee Saqi Luddal meqeh Yan Xalu Edde Geyak Geytimaanah Yaninim Qaddoysen.
Lica (6) Awdal Xissimteh Tan 12 Eglaak 10 egla Caxa miiru Kee Caxaaxuwaay, Tonnah 2 egla saqa Aroodisak Qadaagah Xayyossah Tan Egla kinnih Tanim Yescessen.
Gurmudda Le, Ayrole-Af kee Bayyacileh Awdal Saqaay, Caxa miiru Kee Caxaaxuwal Xissimteh Tan Eglaali Laqin Dariifah Manoh Maysaasah Cuggayso keenih Abteh Tan Qokolut Meqeh Tan Taamay Xalu Le Abeenih Yaninim Qaddoysak Asaami Keenih yeceeh Yan Rakaakay Doolat Kee LLRP Cuggaysoh Gadda Gacsaanah Yaninim Qaddoysen.
Dubte Daqaarak Laqin Dariifah Manoh Maysaasah Cuggaysok Koobaahiseh Yan Gifta Mubaarak Macammad Abeh Yan Baxxaqsal Iyyeemih Dubte Daqaarih Caddol 12 Egla Tanim Kee Ta Eglaali Elle Xissimteh Geytintam Caxa Miiru kee Caxaaxuwa Tonnah Saqa Aroodisak Qadaagah Xayyoosaanamal Xissiimenih Yaninim Ascassuuk Eglaali Abtah Tan Taamoomit Meqeh Yan Xalu Edde Geyak Geytimaanah Yaninim Diggoose .
Qafárak Mangaafa Retteemah Oytal Yescessen