Anxaxin Raatih Taddeera Baaxô Qasunantaa Kee Ballaaqe Roobut Abtah Tan Gexo Waasaanamal Baxsa Le Xaloot Ayballayuk Geytimtah Tanimiiy Qaddowte.

 

Addis Ababa Qasa-Dirrik 28/2018(ENA):-Anxaxin Raatih Taddeera Baaxô Qasunanataa Kee Ballaaqe Roobut Abtah Tan Gexo Kalaalaanamal Baxsa Le Xaloot Ayballayuk Geytimtah Tanim Itiyoppiyak Garbô Daddoosuk Anxaxin Raatih Taddeerak Techniik Makaadooy Tescesse.

N/Malaak Abiy Acmad(D.R) Mablaa Kee Macsabal Taturteh Tan Bacra Liggiditteh Addat Gexsitteh Tan Anxaxin Raatih Taddeera Dariifâ Dacayrih Katul Baad Hangi Hirigteh Tan Taddeera Kinnih Taniimitiiy Yaaban.

 

Taham Fan 48 Biliyeeniik Daga Takke Coox Daabisak Rosqâ Milaagu Kalalaanamal Itiyoppiya Abak Geutimtah Tam Taamoomi Bisoh Haakaay Geytimtam.

Tahaay Garbô Caddo Kee Mexxat Yaysiiseenimil Meqe Xaloot Bahteh Tanim Kee Balaaqê Baati Kalaalanamaay Leê Gaddat Elle Faxximtah Tan Innal Yamtyiffiqqeenim Yayseh Yan Xaloot Tuybulleh Tanim Bilaan Kee Daddos Malaakah Tan Futstsum Asseffa(D.R) Tescesseh Tanimiiy Kassitna.

Ta Taddeeraay Caxaa-Xuwaa Kee Caxâ Miri Coox Daabisaanamal Akkuk Temeeteh Tan Taamaak Ugutak Maaqiddi Caabi Diggoysaanam Kee Ayyuntak Maaqaiddi Siirat Yaysiiseenimil Yayseh Yan Milaagi Yumbulleh Yanimiiy Baxxaqise.

 

Itoyoppiyak Garbô Daddoisuk Anxaxin Raatih Taddeerak Techniik Makaadoh Saqal Axefris Werqhu(D.R) ENA ah Elle Yescesseh Yan Innalaay Anxaxin Raatih Taddeeraay Baaxô Qasunantaa Kee Ballaaqê Baati Kalaltaamal Baxsa Le Doori Digirak Temeeteh Taniimitiiy Yaabe.

Anxaxin Raatih Taddeeraay Mortii Kee Mortisso Yaysiiseenimil Baxsa Le Doori Digirak Geytimtah Tanim Ascassuk Taturteh Tan Udduurah Addat 130 Toon Takke Ballaaqey Roobut Gexak Sugteh Tani Awayih Uddur 54 Toonû Fan Ramma Itteh Tanimiiy Kassiise.