Qafár Kimal Edde Sugte Ditek Awaquk Niya Tace Caddoh Fanah Dadalak Geytimta

 

Addis Ababa Qasa-Dirrik 26/2018(ENA)Qafar Kimal Edde Sugte Ditek Awaquk Niya Tace Caddoh Fanah Dadalak Geytimtam Leedâ Missoynak Qafar Rakaakayih Luddi Kutbeh Buxa Qaddoose.

Qafar Rakaakayih Doolat Kee Ittiyoppiya Press Egla Sittaluk Cattimak"Deebok Wagitaanamak Fanteena Fan" Iyya Ammuntal Biceh Yan Xaloot Le Mangantinane Qidaddo Luddal Tekke Taamoomil Rakuh Yan Walal Gudgud Samara Magaalal Gexsen.

Ta Walal Milaagu Naharal Qafaral Sugte Siyaasa Kee Qidaddo Diglo Milaagu Lakal Ta Luddittel Yemeeteh Yan Xalotitte Ciggilak Rakaakayal Taamitinuh Ekrarisen Edde Anuk Walalen.

Ta Walal Gudgudul Ugutuma Mabla Uguseh Tanim Leeda Missoynak Qafar Rakaakayih Luddi Kutbeh Buxa Saqal Gifta Macammad Cussen:- Qafar Ittiyoppiya Xisanamih Gexsitil Akki Agatih Xaylo Luk Cattimak Fida Mekelak Tatre Sanootah Addat Dago Gexsit Anzallamuk Kee Deelsimak Suge Rakaakayak Kinni Iyye.

 

Leeda Missoynak Qafar Rakaakayih Luddak Siyaasa Langi Saqal Gifta Macammad Acmad Isi Le Gambik Iyyeemih Tatre Sanootah Addat Qafar Ummatta Siyaasa Gudguduk Deelisak Aggar Axcuk Qaxak Abaluk Sugeenim Yescesse.

Awayih Uddur Qaxak Waagitanamak Awaquk Fanti Siyaasa Fan Culak Baaxo Caagidil Sittaluk Walalak Maggaraqa Tatrusanam Xiqqimte Iyye.

Qafar Ummatta Gadda Akah Antifiqme Waan Innah Dago Marih Gabat Buubak Sugeen Iyyeh Yan Saqal:-Awayih Uddur Rakaakay Leh Gino Gadda Antafaqamuk Issik Ugutak Baaxo Caddol Murti Qadaagah Xayyoysak Geytiman.

Turuzim Luddal Xalol Qertaqale Kee Afdeera Keenil Yan Gino Gadda Rakaakayal Yanim Takkay Immay Gufenta Akak Akkel Sugem Takkay Immay Rakiibo Daddosol Fantaxaw Akah Alle Wannah Abak 27 Sanat Yeqshen Iyye.

Awayih Uddur Milaagi Gexsol Ta Arooca Rakiibo Daddosot Axawauk Baaxo Kee Rakaakayak Gaddu Raceena Kinnih Tanim Yescesse.

 

Qafara Agatih Rakaakayak Kabxa Kee Qadaaga Daddos Biiro Saqal Gifta Acmad Qabdulkadir Qafar Ummatta Milaagu Lakal Qidaddi Luddal Iro Tekkeh Sugte Ummatta Kinnih Tanim Yescesee.

Rakaakayak Away Bacari Inta Daaliso Bayisak Efeq Kee Saqi Daddos Kee Gadbô Xalootih Taddeeral Baxsale Taamoomi Akkuk Geytimta Iyye.

Investment Luddal inki Gaddali Baaxi Fan Amatewa Gidih Dirab Ginak Sanaqatta Kee Investment Akah Amixixge Wayta Innah Abak Sugeenim Takkay Immay Rakaakayak Naha Yan Sanaqatta Fakak Gaddak Antafaqamjk Geytimanam Yescesse.

 

Qafar Rakaakayak Qaafiyat Biiro Saqal Gifta Yaasin Cabib Isi Le Gambik Iyeemih Milaaguk Naharal Dacarsitto Xiinak Qaafiyat Kee Barittoh Eseero Gacisam Xiiqtah Tan Policy Suge Waytem Ascasuk Awayih Uddur Qaafiyat Luddak Dacarsitto Xiinah Ayyuntak Mano Milaagta baritto Kee Qaafiyat Xisoosa Xisak Dooqaysimak Diggoysak Gexanam Yaabe.