Amrutuk Ninni Kunnabna kee Curriino Dacrisak Dadalnam Faxximta - Naharsi Malaak Abiyyi Acmad (PhD) 

 

 

Addis Ababa Qasa Dirrik 25/2018 (ENA) Itiyoppiyah Xaylo Amrutuk Ninni Kunnabna kee Ninni Curriino Dacrisak Dadal Bahnam Faxximtam Naharsi Malaak Abiyyi Acmad (PhD) Qaddoysem. 

 

Naharsi Malaak Abiyyi Acmad (PhD) Qasa-Dirrik 25uk 30 Fan Sugu Waah Yan Itiyoppiya Tamrutay Ekispo Dooqaysak Fakem. 

 

Ferey Heele Addah Itiyoppiya Tamrutay Tasgalle Muddaqiinoh Inta Itrol Addis Ababak Baad Caddoh Konferensih Fanteenal Missoysen Ekispol Doolatak Baxaabaxsale Fayyale Miraaciini Elleeh Geytimem.

 

Naharsi Malaak Ta Aracal Elle Qaddoysennal Yanruteenim Muddaqiino Diggossaah, Amrute Waanam Aydaadu Boolassam Qaddossem. 

 

Itiyoppiya Leh Tan Niqmatitte Daddoysak Edde Antifqime Waytem Baad Caddoh Wakti Caalatih Taqabih Uddur Taqabi Tet Geeh Yanim Kassiisaak, Tahal Kulli Luddal Yanruteenim Muddaqiino Daabissa Faxximta Taama kinnim Hangit Haak Maqarluk Taamitaanam faxximtam Yescessem. 

 

Asanati Itiyoppiyah Xaylo 10.2 biiliyeenih Dadal Daabisoonuh Inxastiri kee Itiyoppiya Tamrutayal Ban Fantaaxaw Tahah Kzxxa Doori Lem Kassiisem.

 

Inxastirih Luddal Itiyoppiya Tamrutay Uguugus Qimbimeh Yan Way 4.7 Gabak Sugeh Yan Dadal Awayih Uddur 10.7 Gaba Gufeh Yanim Baxxaqsem. 

 

Inxastirih Luddal Taamâ Saamih Hadlissooy, Qiki Murti kee Irô Tellemmoh Dadal Ta Luddah Kaxxa Doori Lem Qaddoysem.