Amolladi Doorol Pooliisi Doorititte Baxaabaxsale Miixiyaayil Waado Maleh Xayyosnam Xiqne. - ENA Qafar Afa
Amolladi Doorol Pooliisi Doorititte Baxaabaxsale Miixiyaayil Waado Maleh Xayyosnam Xiqne.
Addis Ababa Qasa-Dirrik 25/2018 (ENA) Asanatih Amolladi Doorol Siyaasa Missoynaani Pooliisi Doorititte Waado Maleh Ayyuntah Elle Xayyoysaanam Xiqan Caalat Ginniimeh Yanim Qafar Amobaxxaaqah Foocih Saqalaay, Siyaasa Missoynaanih Malah Buxah Saqal Gifta Canfare QaliMirac Qaddoysem.
Amolladi Doorot Tangaleh Tan Anaakarta Siyaasâ Missoynaani Doorit Pooliisi Mablooli kee Manifesto Ayyuntah Yaysexexegoonuh Mangaafa Rettemaamiil Hawa Saaqat kee Baarle Gudguditte Madabah Heenih Geytimaanam Tamixxigem.
Tah Miixiyaayi Mangatiina Arcibisaanamih Caddol leh Tan Doori Taybulleemik Mayballa Kinni.
Itiyoppiyak Xaagi Raacena Yaabisseh Tan Qafar Amobaxxaaqah Foocih Saqal Gifta Canfare QaliMirac Asanati Dooro Qalaylih Caalat Dumak Yayseh Yan Caalat Kinnim Qaddoysem.
Ahak Duma Akkuk Sugteh Tan Doorô Qalaylih Miixiyaayih Antifiqimiyyak Asanati Dooro Gexsitih Qalayli Tayseh Tanim Yescessen.