"Xaloot Le Angaaraw" Iyya Ammuntal Qafar Rakaakayih Miraaciinuh Massoowe Aydakaakan Samara Magaalal Yeceen.

 

Addis Abab Qasa-Dirrik 24/2018 (ENA) Qafar Rakaakayih Doolat Kee Itiyoppiyak Press Eglak Aydakaakan Fanteena Itta Luk Cattiimak " Xaloot Le Angaaraw" Iyya Ammuntal Rakaakayih Miraaciinuh Massoowe Angaaraw/Communication Aydakaakan Yeceen.

 

Tama Aydakaakanih Aracal Leeda Partik Qafar Rakaakayih Luddih Kutbeh Buxa Saqal Gifta Macammad Cuseen Qalisa Leeda Parti Tookobeemiy Akkeh Baxaabaxsa Le Langittek Mangoh Tan Aydakaakanitte Acayuk Temeetem Kassiisak, Ta Aydakaakan Dubuk Parti Caddol Hinnay, Gersi Dudda Le Massoynaali Luk Cattiimak Massoosen Aydakaakanay Angaaraw Wagittaamal Miraaciinuh Satqo Yakku Waa Kinnih Tanim Qaddoyse.

 

Tama Aydakaakanal Geytimak Aydakaakan Yeceeh Yan Federaalak Doolat Angaarawih Ayfaafayih Malaakak Ciggiila Malaakah Yan Gifta Kebbexe Xessisa Ta Aydakaakan Ahaak Duma Beyneh Nan Aydakaakanitte Elle Kassitak, Fooca Fan Tayse Taama Abnuh Qokol Neh Yakku Waa Aydakaakan Kinnih Tanim Qaddoyse.

 

Tonnah Baxaabaxase Le Langittel Miraacisah Yan Fayya Le Miraaciinu Kee Fanti Miraaciini Agat Kee Baaxo Caagidak Inkim Aaxaguk Inkaafat Yaabak Miraacisaanam Faxximtam Ascassuk Angaaraw Kee Ratteemah Baxsa Le Hangi Yaceenim Faxximtam Qafar Mangaafah Retteemak Geyne Oyti Yascassem.