Ityoppiya Dariifaay Qaranguba Kee Baada Caddoh Gudgudittel Agat Tuxxiq Dacarisah Tan Diplomaasih Taamoomi Abbinoosak Geytiman- Iroh Caagidah Malaak - ENA Qafar Afa
Ityoppiya Dariifaay Qaranguba Kee Baada Caddoh Gudgudittel Agat Tuxxiq Dacarisah Tan Diplomaasih Taamoomi Abbinoosak Geytiman- Iroh Caagidah Malaak
Addis Ababa Qasa-Dirrik 22/2018(ENA)Ityoppiya Dariifay Qaranguba Kee Baada Caddoh Gudgudittel Agat Tuxxiq Elle Dacrisaanam Duudan Gurral Diplomaasih Taamoomi Abak Geytimaanam Iroh Caagidah Malaak Maxco Gabbaaqe Ambasadder Nabiyyat Getachew Qaddoose
Afah Caagidah Malaakak Afak Yabeeni Ambasadder Nabiyyat Getachew Wakti Caalat Wagsiisak Yece Maybalaqal Iyyemihi Tature Ayyamah Burundiy,Layberiyay,Mozambik Kee Gabbi Soodanih Mirocti Itiyoppiyat Gufne Abteh Sugtem Yescesse.
Tama Miroctih Gufne Uddur Naharsi Malaak Dr Abiyyi Acmad Baaxo Fanat Yainh Yan Angaraw Nagay Elle Diggosanam Duudan Innal Xaloot Le Walal Kellih Abeemit Yaabe.
Itiyoppiya Buqreey,Turuzimiy Anxaxin Raatih Tadderal Kaxxa Xalu Tuskutubeem Kee Tahal Kalah Yan Marah Abak Raag Tabissemi Yescesse.
Ossotinah Portugalaya,Bangaladesh Kee Austaraliyak Iroh Caagidah Maloktiy Tonnah Chayna Kee Afrikah Gaysah Miroctih Gufne Arcibissemit Yaabe.
Tahala Dariifa Kee Baad Caddoh Caagidal Abtah Tan Taama Kaxxam Elle Teetik Yossokoteenim Qaddose.
Iroh Caagidah Malaak Dr Gedyon Temeteos Sewden Kee Norweyit Abe Gufnel Doola Mirocti Kalah Kambani Mirocti Lih Xaloot Le Yab Abeh Yanimi Yescesse.
Itiyoppiya Tellemmoh Envestemetiy Baxsaluk Yaqusbuseenim Dudaanah Yanin Caylay,Teknologiy Turuzim Kee Kalah Tan Luddittel Sittallih Elle Taamitaanam Duudan Caagidal Diplomasih Taamomi Abteemi Baxxaqse.
Itiyoppiya Afrikah Eglaalih Salam Kee Amni Malah Buxah Prezdentiinih Masquliyyatak Elle Faxximtannal Awquk Geytimtamat Yaabe.
Itiyoppiya Abteh Tan Nammay Takko Fantaxawittek Mangoh Tan Iroh Caagidah Diplomasi Agat Tuxxiq Elle Dacrissannal Dariifay Qaranguba Kee Baada Caddol Leh Tan Oggol Dadlisak Geytimitam Qaddoose.