Gebeta Baaxo Kee Gebeta Horah Taddeeral Xissimte Wacaysir Madmeenaani Ta Exxa Baaxo Qidaddoh Leh Tan Doori Fayya Haak Geytimta. - ENA Qafar Afa
Gebeta Baaxo Kee Gebeta Horah Taddeeral Xissimte Wacaysir Madmeenaani Ta Exxa Baaxo Qidaddoh Leh Tan Doori Fayya Haak Geytimta.
Addis Ababa Qasa Dirrik 20/2018 (ENA) Gebeta Baaxo Kee Gebeta Horah Taddeeral Xissimte Turiizim Madmeenaani Ta Exxa Baaxo Qidaddoh Leh Tan Doori Fayya Haak Geytimtam Turiizim Malaak Gifti Selamaawit Kaasa Qaddossem.
Ummattah Awlaytiitih Malah Buxah Asaaku Gexisseh Tan 17hele Madabiinoh Koboxul Adoytiitik Ugutteh Tan Esseroorah Raddi Teceeh Tan Ta Malaak Mizaaniyyat Liggidih Addat Inkih Tan Ityoppiyal Aham Fanah Amixxige Waytah Tan Turiizim Arooca Baxisaanam Kee Kusaq Akak Abaanamih Taama Akkuk Geytimtam Qaddossem.
Ta Malaak 800uk Daga Takke Turiizim Arooca Siidica Caddoh Baxisak Wadbisiyya Kulli Dariifal Baarisak Geytimaanam Tescessem.
Tama Gaddittet Qunxa Investementih Qokol Dadlisaanam Xiqqimtam Qaddoosseh Tan Malaak Turiizim Arooca Baxisaanah Maysarraqa Akak Abaanam Taakume Taamah Abak Geytimaanam Tiysixxigem.
Ta Daddos Taama Arac Xagtuh Federaal Kee Rakaakay Doolataay, Ummatta Sitta Xabba Heenih Taamitaanam Kulli Xagar Isi Doorik Yawqem Faxximtah Tanimiiy Tescessem.
Ta Gadda Dadlisaanam Kee Turiizim Arooca Fakaanamih Taamal Baxsale Hangi Acayuk Taamiteloonum Tiysixxigem.