Qutbi Murtil Yanih Yan Duddi Murtisso Fan Milaagimuh Hangi Kah Yomcowweh Geytima. - ENA Qafar Afa
Qutbi Murtil Yanih Yan Duddi Murtisso Fan Milaagimuh Hangi Kah Yomcowweh Geytima.
Addis Ababa Qasa Dirrik 20/2018(ENA) Qutbi Murtil Yanih Yan Duddi Murtisso Fan Milaagimuh Ta Exxah Kaxxa Hangi Acayuk Taamitak Geytimaanam Buqre Malaak Yiysixxigem.
Baaxh Caddol Abbinoowak Geytimah Yan Mangantiinah Qidaddo, Rakaakayittel Geytimta Niqmatitte Kah Daddoosan Innah Saami Ginteh Tanim Qaddoysen.
Qafar Rakaakayal Geytimta Ginô Gadditte Yanbulle Daddos Fan Milaagak, Ayyunti Tuxxiqil Assam Xiqsissa Qaago Tace Taamoomi Akkuk Geytimtam.
Buqre Malaakak Qutbi Murtih Daddoosih Taama Gexse Samson Aseffa Qafar Rakaayayal Geytima Qutbi Murti Efeqil Daddoysaanam Xiqqimtaamih Taagah Daddos Baarisaanamal Hangi Haak Taamitak Geytimaanam Yescessem.
Qafar Rakaakayak Buqre Kee Ginô Gaddih Daddoosih Biiroh Saqal Ijniner Yaasiin Qali Qafar Elle Tamixxigeh Tan Qutbi Murti Mexxatluk Amrutuk Qadaagal Kah Xayyoosan Innah Taamitak Geytimaanam Baxxaqsem.
Ta Exxal Taamittam Faxxah Tan Gaddaloola Kee Dacarsittoh Xiinah Meqe Caalat Ginniimeh Yanim Qaddoysem.
Organic Qutbi Cugaysoh Koobaahise Messele Mekuriya Qafar Rakaakayal Geytima Meqe Kallayti Uli Qayntih Taqabi Maleh Qutbi Daddoosul Asam Xiqqimtam Kassiisem.
Buqre Malaak, Qafar Rakaakayak Buqre Kee Gino Gaddih Daddoosih Biirolluk Cattiimak Awsi Rasul Qutbi Murti Qagitaak Baarisaanam Elle Xiqqimta Gurral Walal Gudud Gexsen.