56 alfik daga takke alaaqay 35 alfik daga takke inonti gabat agle edde haysitele axcuk qammalan Tabaatabta Dalkah aftabu samarak Qaafiyat fantenal Qimbisen . - ENA Qafar Afa
56 alfik daga takke alaaqay 35 alfik daga takke inonti gabat agle edde haysitele axcuk qammalan Tabaatabta Dalkah aftabu samarak Qaafiyat fantenal Qimbisen .
Addis Ababa ,Qasa-Dirrik 19,2018,(ENA)Baaxo caddol 16 heele addah gexsitah yan Afrikak aftabi ayyamih qimmisiisiyyi Taddira "aftabi Qaafiyatle ayynta Gina" intah tan Maxcol Samarak Qaafiyat Fanteenal Qimmisisen.
Afatabi gaadul geytimeh yan raakakayak Qaafiyat biirok Ciggila saqal Dr Cummad Qarsoyta abeh yan yabal aftabi tabaatabtah tan dalakak kalalu kinnih tanim kee aftabi Qaafyatleh tan inonti kee alaaqah ginonuh kaxxa doorilem qaddose.
Ta gaadu madab aftabu diggoysaanam kee baxabaxsale sababitteh tirgiqeh sugteh tan alaaqa qimissonoh hangileh yanim yescesse.
Ta gaadut 56 alfika daga takke alaaqa kee 35 alfik daga takke inonti gabat agle edde haysitele axcuk qammalaanah yanin Gaadu kinnih tanim Ugeseh yan Dr Cummad Arsaytu ta gaaduh tinitibixximeh tan ekraaro arac xagtuh kulli dagarih macal faxximah yanim yescesse.
Samara logyi magaalâh xiinisok Samara Qaafiyat fanteenak medical xayrekterih yan Gifta Dawud Camad islekatuk akkuk macisseh gaadul abeh yan baxxaqsal sayyoh taabatabta dalkah kalali aftabu kinnih tanim kassisak kalah tan dariifa taddirat gabat agle haysitaanam faxximtah tanim qaddoose.