Misso Kee Hadlissol Dudda Le Hora Baaxoh Dadal Diggoosnuh Kaxxa Tuxxiq Le - Magaala Xinissoh Tan Axanech Abebe

 

Addis Ababa; Qasa Dirrik 16/2018 (ENA): Misso Kee Hadlisso Caddol Dudda Le Hora Xissaanam Baaxo Dadal Diggoosnuy Yangalen Leedak Rakiibo Kinnim Magaala Xinissoh Tama Luddah Hangi Akah Acyuk Taamitak Geytimaanam Qaddosse.

Addis Ababah Magaalah Xiinissok Baritto Biiro Baaxoh Caddol Saynis Kee Hadlissol Duddale Hori" Inta Mablal Xissiime 11hele Saynis Kee Hadlissol Taddeera Arada Parkil Gexisak Geytimtiman.

Tama Taddeerah Aracal Mango Barteenit Kee Barseenit Hadlisso Taamoomi Elle Xayyoose Loonum Baxxaqise

 

Magaalah Xiinissoh Saqlà Tan Axanech Abebe Tama Gudgudul Abteh Yan Yaabal Elle Qaddosennal Barteenit Kee Barseenit Hadlisso Taamoomi Elle Yaysaxaxagoonuy Sittaluk Mabla Tabaatabasa Elle Aboonuh Kaxxa Doori Lem Qaddosse

Tama Aracal Xayyoosan Hadlissol Taamoomi Magaala Qasriyyo Fanah Milaagonuh Takkeh Macalitteh Kaxxa Doori Allalem Qaddosse.

Faxe Qaynatih Hadlisso Dudda Leh Tan Maritteh Doolat Maaliyya Kee Mihrat Qokol Abak Fayya Leh Tan Caddoh Fanah Hadlisso Taamoomil Maqar Bahoonuh Faxximta Catotta Abeloonum Qaddosse.

Tahak Ugut Abak,Away Magaalah Caddol Akkuk Geytimta Taamoomi Misso Kee Teknoloji Qokol Akah Abak Hangi Akah Acyuk Taamitak Geytimaanam Qaddosse.

 

Addis Ababah Magaalah Xiinissok Baritto Biirok Saqalah Yan Zelalem Mulatu (Phd) Elle Qaddossennal, Barteenit Baritto Buxal Ixxiga Geyaanam Dubuh Hinnay Naggaarinne Dudda Elle Baritan Arac Kinnim Abbinoosak Geytimaanam Yescessem.

Hadlisso Taamoomit Warrayte Liggiditteh Addat Dago Barteeenit Edde Angaluk Sugtem Ascassuk Away Mangoh Tan Bariteenit Assaxaaral Qambaalak Geytimtam Qaddoose.

Qimboh Caddoh Barittoh Buxaaxi Barisiyye Caddo Kee Maxxat Le Gurral Baarisak Alaaqa Isil Aamanti Le Cuso Luk Baritto Akah Qimbisaan Misso Macalite Maqarle Rakiibo Daffeesenih Geytiman