Awaash Subac Kiiloh Magaalal Lee Baarisso Kah Yibbixen Udduurul Gaba Kaltuh Macal Akkele.

 

Addis Ababa Qasa Diorri 16/2018 (ENA) Awaash Subac Kiiloh Magaalal Lee Baarisso Kah Yibbixen Uddurul Gaba Kaltuh Macal Akkelem Qafar Rakaakayak Naharsi Saqal Cajji Awwla Qarba Qaddoysem.

17.8 Kiilo Mitirih Xexxar Leh Yan Awaash Magaalah Saytun Maqub Leeh Baarisso Qimbisisso Rakaakayak Naharsi Saqal Cajji Awwal Qarba Elle Geytimta Gexsittem.

Naharsi Saqal Cajji Awwal Qarb Ata Aracal Elle Qaddoysennal Baariiso Taama Kah Yibbixen Udduurul Gaba Kaltuh Doolat Qokol Kee Kattat Maqarrosyelem Yescessem.

 

Ta Cugayso Gaba Kalak Awaash Subac Kiiloh Magaalah Sugmentiitih Antifiqimiyya Faya Hoonuh Taamiteloonum Qaddoysem.

Rakaakayak Lee Kee Elmô Biiroh Saqal Gifta Acmad, Shaami Awaash Magaalah Lee Baarisso Ayyunti Xer Udduurah Ugusak Sugeenih Yanin Esseroh Raddi Gacselem Ascassuuk, Ta Taama Magaalah Mango Daddoosuh Qokol Akkelem Kassiisem.

Lee Kee Elmô Malaakak Lee Xiinissok Kattat Buttah Saqal Gifta Shumi Araraso Ta Cugayso Awaash Magaalal Bictam Ayyunti Esseroh Raddi Tacem Kinniimit Yaabem.

 

Ta Cugaysoh 155miiliyeenih Birrih Miizaaniyyat Kah Abbaxuk Kah Yibbixen Udduurul Gaba Kaltuh Sittalih Gacak Taamiteloonum Diggoysem.

Awaash Magaalah Xiinissoh Saqal Gifta Qabdo Qali Awaash Magaalah Saytun Maqub Leeh Cugayso Ayyunti Essroh Raddi Gacisseh Tanim Yescessem.