Itiyoppiya Rosqa MilaagullukDebrime Sinni Daddos Gexsol Asskatle Xalitte Sumaaqisak Geytimta

 

Addis Ababa  qasa Dirrik 14/2018(ENA)Itiyoppiya Rosqa Milaagulluk Bictaah, Debrime Sinni Daddos Gexsol Asskatle Xalitte Sumaaqisak Geytimta. Ta Gexso Xisnele Gexsitil Rakitak, Addah Haanamaak, Xiqaanama Fan Addat Tabbixe Daddos Maaqattooti Aamantile Gital Missoysak Geytimtam.

Rosqa Milaagih Taqabi Addah Iyyuh, Karbon Qeer Lowsiisaanamaay, Coox Garuq Kalalaanam kee Algin Raatih Taddeeral 48biiliyeenih Caxa Daabisak Baaxok Alginan Caddo Fayyale Caddol Dadalam Xiqqimte. Tonnah Kaadu lee xiinisso Qasriino Fan Korsaanam kee Rosqa Milaagullih Gexxa Buqre Abbinoysak, Maaqiddi Caabil Yanbulle Milaagu Bahte.

‎

Magaala Daddoosih Exx Daqar Qaxi Daddos Baarisak, Alginan kee Qasriinole Rakiibo Daddos Xisaanam kee Moter Sinni Merraytu Baarisaanam Magaalak Ceeo Milaagak Qusba Afkanitte Ginteh Geyyimta.

‎Elmoh Exxal Algin Raatih Raceenaani Baarisaanam Daddos Uguugusak Inxastiri kee Kiraanav kaxxa Dudda Akkuk Geytimta.

‎Ta Macalitte Inkih:-

LT-LEDS: ( Xer Uduuruh Addah Yan Karbon Qeerih Daddos Makcaggur)

TYDP: ( Tabna Sanatih Dadfos Ikraaro)

NDC: ( Baaxoh Caddol Abbinowte Gabat Agle)

NAP: (Baaxoh Caddoh Rosqa Milaagih Ikraaro) Tannah tan Mafdagoogi kee Sarriinole Daddos Hadafitte Xisnel Gurral Abbinoysak, Itiyoppiya Horah Tabissa Sareiinole Alginan Beerah Rakiibo Akkuk Geytimta. Ta Gexso Raddi Dubuh Hinnay, Itiyoppiya Beeri Qaagoh Xisneh Afkan Kinni.

‎