Milaagi Doolat Qasbol Uguttah tan Esseroora kee sugteh tan taqbitte Udduruuk, uddurul Afdaguk yemeete" Naharsi Saqal Cajji Awwal Qarba.

 

Addis Ababa ,Qasa-Dirrik 13,2018,(ENA)Qafar Agatih Rakaakayih Doolatak Naharsi Saqal Massakaxxa le Cajji Awwal Qarba Kilbatti Rasuk Afdeera Daqaaral Xissimteh tan fayya le Caddoh Inxustirih Fabrikaaki kee Xissiimak Geytimtah tan Fabrikaakit Gufne Abeek Lakal Gaddaloola luk walal gexse.

 

Tama Gufnel Rakaakayak Naharsi Saqal Massakaxxa le Cajji Awwal Qarba Milaaguk Dumal Qasbol Sugteh tan taqbitte Afdaguk yemeeteenim kassqisak, Baxsaluk Afdeeral Qasbol sugte taqbitteh Basale Figday faxxiimak Sugte Abak, Awakkih Uddur wohuk taturak fabrikaaki Kah xissimtannah Abak Awak Afadeera Daqaaral Dubuk 13 xisnek gaba kalak geytimtam qaddoyse.

 

Tonnah Itiyoppiyaya Tamarutay inta itrol mangoh tan Uguugus taamoomi Akkuk geytimtam Ascassuk Afdeera Xinto kee Ayyuntak Ken teemeneh Tan Gaddaloolay Bilyeenaat Fabrikaakih ken Addal Xissa Hanaawisak ken qoklaanam Faxximtam yescesse.

 

Milaagi Doolat Qasbol Uguttah tan Esseroora kee sugteh tan taqbitte Udduruuk, uddurul Afdaguk yemeetenim yescesseh yan Naharsi Saqal Massakaxxa le Cajji Awwal Qarba Uxi kinnih Tayse taama kah takkennah taamitak geytimaanam Qaddoose