Rakaakaya Caddol Ummattak Tuxxiqitte Diggoosonuh Akkuk Geytimita Taamoomil Tambulluye Xalitte Maqarroosak Geytiman.

 

Addis Ababa Qassa Dirrik 13/2018( ENA) Taturte Milaagi Liggiditteh Addat Ummattak Tuxxiqitte Diggoosnuh Akkuk Geytimita Taamoomil Geytinite Xalitte Fooca Fanah Maqarrooseloonum Fanti Ityoppiyah Rakaakayak Naharsi Saqal Endashew Taasew Qaddoose

Agat Caddoh Milaaguk Lakal Leeda Missoynah Mirracsental Tumbulluye Xalitteh Qokol Soolo Ummatta Waliqhitte Magaalal Gexsen.

Rakaakayak Naharasi Saqal Elle Qaddoosennal Milaagi Liggiditteh Addat Kobxissa Daalissoh Naharasiino Acyuk Assakat Le Taamoomi Tekkeh Tanim Qaddoose.

 

Siyaasay Ayyunitiinoy, Qidaddo Kee Diplomaashi Luddittel Ityoppiyah Qusba Mafdaga Fanah Edde Culte Milaagi Maqattooti Edde Tekke Wakti Kinnim Qaddoose.

Rakaakaya Caddol Geytima Gaddat Antafiquk Buqreey Algin Raatih Daddoosuy Qaafiyat Ayfaafih Guddusiyyaay, Baxaabaxsa Le Luddittel Ummattak Tuxxiq Diggoosnuh Tekkeh Tan Taamoomil Xaloot Amballayuk Geytimam Qaddoose.

Agat Caddol Akkuk Geytimita Daddos Taamoomi Maqarroosak Salaam Kee Ximokraasi Baarisak Milaagi Gexsit Fooca Fanah Maqarroosanam Faxximtam Kassiise.