Itiyoppiya Kee Amaarikak Baadak Daddos Maaliyyah Korporeeshin Istiraatejik Sittin Qokoliyya Diggoosonuh Taamitak Geytiman

 

Addis Ababa; Qasa Dirrik 9/2018 (ENA): Itiyoppiya Kee Ameerikak Baadak Daddos Maaliyyah Korporeeshin Istraateejik Sittin Qokoliyya Fooca Fanah Maqarroosnuh Taamiatk Geytimaanam Qaddoose.

Baad Banki Kee Baadak Maaliyyah Egla (IMF) Washingtin Disil Liggidal Gexissan Kobox Gexisak Geytiman.

Tama Walalal Maaliyyah Malaakah Yan Gifta Acmad Shide Ameerikak Baadak Daddos Maaliyyah Korporeeshin Saqalah Yan Ben Bilak Lih Walale.

Ta Walalal Hangi Kah Yecem Itiyoppiya Kee DFC Fanal Istraateejik Sittaluk Angaaraw Diggoosaanam Kinnim Kee Merraytu Kee Maqaddin Luddah Naharsiino Acyuk Sittin Qokoliyya Baarisaanam Elle Duudan Gurral Walaleenim Qaddoose.

 

Namma Exxak Inkih Sarrimaane Le Yasgallem Duuda Dadalal Yasiisikunuh Daddos Maaliyye Leh Yan Faxxiima Doori Cubbit Haak Madduru Kee Tellemmo Luddih Qokol Diggosaanam Elle Duudan Gital Walal Gexseenmih Yaniinim Qaddoose.

Tama Malaak Itiyoppiyal Akkuk Geytimta Makro-Qidaddoh Maysaasa Kee Investimentih Caalat Yaysiisoonuh Abak Geytiman Macalitte Baxxaqise.

Doolat Saanih Iro Baaxok Investimentih Bica Le Caalat Ginak Digga Le Margqa Luk Elle Taamitak Geytimaanam Qaddoose.

Ameerikak Baadak Daddos Maaliyyah Egla Ityoppiyak Nabah Tan Cuggaysoosa Baxsaluk Rakiibo Daddos Kee Kalah Tan Istraateejik Ludditteeeel Ityoppiyal Lon Gabah Assagolla Fooca Fanah Dadlisoonuh Fayxi Loonum Qaddoose

Namma Katuk Inkih Maaliyyah Tuxxiqit Antafiquk Yangalen Tuxxqitte Akah Diggoosna Innah Sarrimaane Le Gurral Fooca Fanah Sittin Qokoliyya Faxxiimam Qaddoose.

Fantaaxaw Maqarroosak Ityoppiyah Caddol Naharsiino Investimentih Acyuk Uguugus Abak Fooca Fanah Daddos Fantaaxawitte Maqarroosak Sitta Lih Taamite Loonum Qaddoose.