Loogoh Hayqhih Riizortih Tuxxiq Baxisak Daddos Kee Gaddah Fan Milaagnam Assakat Le Abto Kinnim - Ciggiila Naharsi Malaak Temsegen Turne - ENA Qafar Afa
Loogoh Hayqhih Riizortih Tuxxiq Baxisak Daddos Kee Gaddah Fan Milaagnam Assakat Le Abto Kinnim - Ciggiila Naharsi Malaak Temsegen Turne
Addis Ababa Qasa Dirrik 8/2018(ENA) Logoh Hayqhi Riizortih Tuxxiqitte Asmituk Daddos Kee Gadda Fanah Milaagnam Kaxxama Ceelallol Tekkem Dudda Abtoy Wallo Rasuk Leeda Qaago Kinnim Ciggiila Naharsi Malaak Temsegen Turne Qaddoose.
Asaakih Ayro Aydaad Leh Tan Hayqhi Magaalah Ayyuntaa Kee Qafar Toobokolluk Geytimak Ifdrik Naharsi Malaakih Ugugus Kee Niyat Xissiimeh Yan Tan Loogoh Hayqhih Riizorti Taama Kah Qemmisisaanam Kee Taamah Fan Kah Culannah Absiisaanamih Tadderal Geytimeemih Kaxxam Ruffa Exce Wallo Kak Iyyaanam Inkkiino Kinnuuk Asaaku Qaffaydal Qafar Toobokolluk Geytimnem Kaadu Wohuk Yayseh Yan Gurral Qaxmaqaane Tayse Weelo Bahsissam Kinnim baxxaqise
Ta Projektik Qemmooy Ellacaboh Fan Qikkiiboh Mabla Abinah Edde Tummuluyeh Tanim Ascassuk Doolat Tummabuluuy, Gaddali Niyaa Kee Ayyunti Macal Sitalluk Edde Tengeleh Tan Abtoh Xalu Kinnim Qaddoose.
Cugayso Qemmoy Gabah Kaltih Fan Meqe Gurral Adaf Maliinoh Amarraqtah Fan Barak Loqoh Macalak Sugteh Tan Kalali Qandeey, Cule Kalaa Kee Miraaciinuu Kee Dariifah Ayyuntaah Inkih Faato Keenih Taguudem Baxxaqise.
Hayqhi Magaalal Xissimteh Tan Barittoh Buxa Ciggilta Horah Raqtah Tan Fulale Abto Kinni.
Asaaku Nubleh Nanim Salaam Xalu Kinni Diini Abbobtiiy, Baaxoh Idoolaa Kee Qunxaneyta Inkkih Salaamah Caras Yakkoonuh Amaana Keenik Axce. Inkkiinoo Kee Sittalluk Macallek Leeda Nek Wadba Akkelem Raqlem Hinna Axcuk Ifdrik Ciggiila Malaak Tamasgen Turuneh Issi Ayyuntiinoh Golil Tatruseh Yan Farmol Qaddoyse.