Qafar Rakaakayak Culenti Biiro Amaarâ Rakaakayih Doolatak Culenti Biirô Luuk Bahir Daar Magaalal Abak Raag Tabaatabsih Taddeera Gexisse

 

Addis Ababa Qasa Dirrik 06/2018 (ENA)Qafar Rakaakayih Doolatak Culenti Biirok Naharsi Saqal Massakaxxale Cajji Awwal Qabdu Awwal Miraacisah Yan Culenti Biiroh Taama Abeyniitiiy, Wagitta Sekter Biiroorah Miraaciinu Kee Taama Abeyniitiiy, Rasuk Xintoh Abbobtiiy, Magaalâ Xiinissoh Abbobtiiy, Daqoorit Xintoh Abbobtiiy, Magaalol Kee Daqooritik Tewqe Culenti Kutbeh Buxah Saqolti Edde Tengeleh Tan Abak Raag Tabaatabsi Amcari Rakaakayak Bahir Daar Magaalal Gexsite.

Ama Taddiira Miraacissem Qafar Rakaakayak Culenti Biiroh Saqal Massakaxxale Cajji Awwal Qabdu Awwal Kee Amcari Rakaakayak Culenti Biiroh Saqal Xokter Mengesha Fenta Kinnim Tamixxige.

 

Abak Raag Tabaatabsih Taddiira Yaabal Fakeh Yan Culenti Biirok Naharsi Saqal Massakaxxale Cajji Awwal Qabdu Awwal Amcari Rakaakay Baaxô Caddol Culenti Gaaboyso Tayseh Tan Caddol Kak Geytimah Yan Ceelallo Yakke Rakaakay Kinnuuk Sin Doorak Nek Edde Tayseenih Taniinim Net Tabissoonuuy Siinik Edde Nayseh Nanim Kaadu Nek Baritak Meqe Wakti Siitalluuk Tatruselem Qaddoyse.

 

Kalah Ama Aracal Geytimeh Yan Amcari Rakaakayak Culenti Biiroh Saqal Xokter Mengesha Fenta Isle Gatuk Iyyeemih Qafar Ayyunti Ni Ayyuntay Xaltak Ballisih Yaniy Raageh Yan Meqe Qalaagat Ni Rakaakayalluk Le Kinnuuk Amcari Rakaakayal Sugtaanah Tanin Wak Taafeh Tan Hadafitteh Addat Culenti Gaaboyso Elle Taymaaqoonu Duddaanah Tanin Abak Raag Geetton Axcuk Yescesse.

Ellacabol, Amcari Rakaakayak Culenti Biirok Ciggiila Saqal Gifta Fikremaariyam Xejene Culenti Gaaboyso Wagsiisak Abak Raag Tabaatabsay Gexsituwa Elle Yakkuwaah Yan Gurrat Baxxaqisak Abak Raag Tabaatabsi Gexsitele Axcuk Qammalima.