Buqre Luddih Caddol   Murtisso  Dadlisak  Maaqiddi Konnabna  Diggoosonuh   Taamitak  Geytiman.

  
Addis Ababa; Qasa Dirrik 6/2018 (ENA):Agat Caddol  Yekke  Milaaguk   Lakal   Buqre Luddah  Tekkeh  Tan  Milaagi  Taamoomil  Murti  Kee Murtisso  Dadlisoonuy   Ityoppiyak Maaqiddi  Konnabna  Elle  Diggoosanam  Elle  Duudumta  Ghurral  Dudda  Ginak  Geytimaanam  Buqre  Malaakih  Xeetah Yan  Dr  Fikru  Regassa   Qaddoose

Ityoppiyak Xaagi Raceena  Kee  Buqre Malaak Sitta  Luk   Cattiimak   Gaba  Makalaak  Murtisso   Fanah Radmol  Adaama Magaaalal   Walal  Gudgud  Gexisak Geytiman
Buqre Malaakih  Xeetah Yan   Dr  Fikru Regasa  Milaagi  Doolat  Baxaabaxsale Qidaddoh Siiratal Buqre Murtisso  Akah Yaysiisen Innah Poolisil  Rakuh Tan Maqattooti Beyak  Taamitak Geytimaanam  Baxxaqise.  

 

Buqre  Luddal  Buqre  Abeenit Robti  Waktil  Rakuh Gcak Taamitak Sugeenim   Gexgalitte  Akkuk  Sugtem Ascassuk Efqe  Buqre  Kalah Tan Doorititte Baarisak   Buqre  Luddal Xaloot Le Taama Akkuk Geytimitam  Qaddoose.

Agat Caddol   Buqre  Luddal  Yekkeh  Yan Milaaguk  Ugtak  Xay   Waktih Addat  Poolis Kee  Makcaggur Le  Gurral  Taamitak  Agat  Xaylo  Buqre  Murtissoh  Caddol  Gaba  Makalak  Ayyaaquuk   Maaqiddi  Kabaalisso  Isinnik   Diggoosanam  Duudumteh  Tanim   Baxxaqise.

Inkih Tan Buqreh Luddal Ginnimte Murtisso  Duddi Itiyoppiyak Maaqiddi  Konnabna   Diggoosuh Dudda Ginak Geytimam Kassiise.

Itiyoppiyak Xaagi  Raceenak  Leena  Taama  Gexseenah Yan Seyfu Derbe Elle Qaddosennal Demokraasih Siirat Xisne Kee Baxaabaxsa Le Daddos Taamoomi Faxxiima Ajenxal Daffeysak Miixiya Baar Luk  Elle   Taamitak   Geytimaanam  Qaddoose.

Itiyoppiyak Gaba  Makalak  Aydaaduk Ayyaaquk  Maaqiddi  Konnabna  Daabisak  Baaxo  Xaylok Maaqiddi  Kibaalisso  Maqarroosak  Agat  Konnabna  Elle  Diggoosanam  Duudumta  Gurral  Taamitak Assakat  Le  Xaloot  Amballayuk  Geytimam  Qaddoose