Qafarre Madqâ Galli maroh eglak barittoy,misso kee Qaada Missoyna (UNESCO) Daffeysonuh 300 daga Takke Makaabonuy tu- taaxago edde tengele kobox gexsiteh sugem tamixxige. - ENA Qafar Afa
Qafarre Madqâ Galli maroh eglak barittoy,misso kee Qaada Missoyna (UNESCO) Daffeysonuh 300 daga Takke Makaabonuy tu- taaxago edde tengele kobox gexsiteh sugem tamixxige.
Addis Ababa,Qasa-Dirrik 03,2018,(ENA)Qafarre Madqâ UNESCO tankattabuh makaabon daffesseh tan afkanal uxi kinnih faxximta taamâ akķuk geytimtam qafar afaay,Qaada kee aydaadi kusaaqih Institiyuutuk Leenâ Xayrikteerih Yan Gifta Cabib Macammad Qaddose.
Qafarre Madqa UNESCO tankattabuh xissimteh tan Makaado faxxima document bicisak Rasi fanteenaani obisak geytimaanam Gifta Cabib Macammad Qafar TV yeeh yan maybalaalaqal Qaddose.
Qafarre Madqâ Galli maroh eglak barrittoy,misso kee Qaada Missoyna (UNESCO) Daffeysonuh akamal jaabuti doolat abeh sugeh yan akam taamâ gaba kalonuh qokol tekkeh tanim kassise.
Rasi fanteenaani obtuh tan xissimteh tan makaado qasa dirri 03/2018(sabti fanti rasù kee Gabbi rasul gud gud gexse lonum kee tonnah kaadu qasa -dirri 04/2018(caadah) kilbatti rasu kee Carri rasul gexsitelem qaddose.
Gifta Cabib Macammad tatruseh yan farmôl rasi fanteenan obtah tan Makaadoh Qafarre Madqâ Galli maroh eglak barrittoy,misso kee Qaada Missoyna (UNESCO) tankattabuh faxximta dagorti macal faxximam qaddose.
Illacaboh Amo-gacsi Gudgud Samara Magaalal Gexsitelem Gifta Cabiib Macammad Kassiise .