Baaxoh Caddol Yekke Milaaguk Gadamal Dudda Le Poolis Fantenaani Agat Amni Kee Ummatta Salaam Dacrisoonuh Dudda Le Cayla Xisen- Ciggila Naharsi Malaak Temesgen Teruneh - ENA Qafar Afa
Baaxoh Caddol Yekke Milaaguk Gadamal Dudda Le Poolis Fantenaani Agat Amni Kee Ummatta Salaam Dacrisoonuh Dudda Le Cayla Xisen- Ciggila Naharsi Malaak Temesgen Teruneh
Addis Ababa,Qado Dirri 29,2018 (ENA)Agat Caddol Yekke Milaaguk Gadamal Dudda Le Poolis Fantenaani Agat Amni Kee Ummatta Salaam Dacrisam Duuda Dudda Le Cayla Xiseenih Geytimaanam Ciggiila Naharsi Malaak Temesgen Teruneh
Baaxoh Caddol 20haytoh Addahitiyoppiyak Poolis Komishineritteh Gudgud "Sarrimanele Salaam Kee Poolis Inkittinaane Intah Radmol Addis Ababa Gexisak Geytiman.
Ciggiila Naharsi Malak Temesgen Tiruneh Elle Qadosennalaay, Madqa Gital Dibuk Taamittaah, Ayyunti Qokol Leeh, Afkanak Meqennal Tawqeemih Dudda Le Poliis Cayli Cissimeh Yanim Qaddoose.
Pools Komishineritteh Kobox “Polis Inkittinaane Sarrimaane Le Salaamah “ Inta Itrol Akkuk Geytimta.
Ciggiila Naharsi Malak Tama Waktil Elle Qaddoosennal, Baaxo Kee Ummattah Fayxih Diggossa Missoyna Xisnuh Poliis Luddal Reformi Abbinotteh Tanim Qaddoose.
Baaxo Milaaguk Ugut Abak Hangi Akah Yecen Reformittek Tiyak Teenah Polis Ludda Kinnim Qaddosem Kee Tama Reformit Dudda Le Poolis Exxaxi Elle Ginaanam Duudan Abtoota Tekkemit Yaabe.
Qikkibow Doolat Poolis Affaf Amantina Akah Lennah Abanam Duudumtem Kee Poolis Awlaytit Doolat Dastuur Kee Ayyuntah Amantina Akah Yallen Innah Yamemenime Mara Yakkenim Faxximtam Yescesse.
Gersi Katuk Ni Poolis Qande Beytah Tan Ganuun Maaqatta, Tonnah Kaadu Baatileynit Kalalaanam Kee Kusaq Abak, Ummatta Edde Yaaxigeeh, Mooraal Edde Yaabam Xiqah Yan Gital Takkem Faxximtam Warse.
Tama Konferensil Kulli Rakaakayitteh Caddol Yan Wakti Caalatay Dariifa Kee Baad Caddol Yan Amni Caalatay Tonnah 7heele Amolladi Dooro Saay Kee Saalamah Gexisittuh Akkuk Geytimita Taakume Bicitte Wagittaamal Baarale Walal Abeloonu Axcuk Qambaalan.