Baaxoh Caddoh Milaaguk-Qusba Mafdagak:-Giti Daddoosih Taama

 

Qado Dorrik 24 Itiyoppiyah Siyaasal QusbacMafdaga Fake Qusba Exxah Qinbisissoh Unkaqiinooy Kinni.

Milaagiiy Mango Intaacaanitteh Addat Itiyoppiya Tayyaaqeemil Haytam Dudda Nabah Tan Daddos Taamoomi Abbinoysakaay Yemeete.

TaturtehTan Milaagi 8 Sanootah Addat Baxsa Le Hangi Kah Cayuk Elle Taamitak Yemeeten Luddittek Tiyak Teeni Giti Daddoosih Taamaay Kinni.

Tahakaay Sissin Rakaakayittel Rasuu Kee Rasu Tasgooroweeh,Daqar Kee Daqar Tasgoorowe Data Gititteey,Tonnaah Rakaakayaak Rakaakayaay,Magaalaak Magaala Tasgoirowe Gititteh Caddop Tayse Taama Edde Tekke Udduurak Sugteh Tanimiiy Qaddowte.

 

Tahak Ceelallohuuy,Harar Rakaakayay Magaalah Addah Gitette Mexxat Kak Lukuk Suge Wayte,Magaalah Addah Gitette Mexxat Bahsiisaanam Kee Harar Magaal Cuggaanê Daqoorite Kee Rasitte Lih Yasgooroweenih Taama Edde Tekke 8 Sanatak Sugteh Tanim Harar Rakaakayak Doolat Angaarawih Maktabaay Yiysixxige.

Akkuk Temeeteh Tan Gititteey,Buqreh Xiinaa Kee Telkemo Abenit Tasgoorooweeh,Buqre-Aba Tamruteh Tan Morti Gitiwâ Taqabitte Elle Finqitak Suge Awayih Uddur Buqre-Aba Faxinnaaneh Magaalaa Kee Dariifâ Fan Sissikaanel Gufusak Geytimtah Tanimiiy Tamballe.

Ta Taamaay Magaaloolul Sugeh Yan Morti Waytoh Taqabii Kee Manô Gala Raaqisseeh,Tonnaah Buqre-Abak Finqitak Sugeh Yan Morti Le Udduurul Sissin Qadaagoogî Ran Kah Xayyoowannah Absisseh Taamak Sugteh Tanimiiy Qaddowte.

 

Federaal Caddol Takkeh Tan Gititte Elle Tan Innal Anukuuy Rakaakyitteey Isih Duddam Abtam Faxximtah Tanimiiy Yescessen.

Akkuk Temeeteh Tan Gititte Sissikaanee Kee Mexxatal Inkih Tekkeh Tan Gitittek Sugteh Tanimiiy Baxxqisen.

Foocâ Fan Giti Daddoosih Taama Diggoiwak Gexe Leh Tanimiiy Qaddowte.