Itiyoppiya Galli Maroh Eglak Adam Baxi Cakkih Malah Buxak Ciggiila Pirezdantih Sugte Doori Meqennal Meqe Gurral Abte.

 

Addis Ababa,Qado Dirri 29,2018 (ENA) Itiyoppiya Galli Maroh Eglak Adam Baxi Cakkih Malah Buxak Ciggiila Pirezdantih Sugte Doori Meqennal Gurral Abtem Iroh Caagiidah Malaak Tiysixxige.

Galli Maroh Eglak Adam Baxi Cakkih Malah Buxa 61hele Madabiinoh Daffeynal Baxaabaxsa Le Margaqa Tatrusen.

Afâ Caagiidah Malaakih Afteyna Ambasadder Nebiyat Getachew EZAh Yece Maybalaalaqal Itiyoppiya 47 Takke Baaxooxa Leh Tan Galli Maroh Eglak Adam Baxi Cakkih Malah Buxah Adoytah Sugte 3 Addah Doorimtem Qaddoose.

Adoytiinu Sugte Uddur, Caxah Alsak 23 Ilaa Qado Dirrik 31, 2026 Jeneva Magaalal Gexsen Malah Buxak 61hytoh Madabiinoh Daffeynal Malah Buxak Ciggiila Saqal Akkuk Qimboh Addah Miraaciini Doori Duddal Kibe.

Tama Daffeynal Adoytiitih Baaxooxa Xayyosse Baadak Adam Baxi Cakkih Caagiidal 38 Takke Margaqooqi Faticisen, Tamakkeh Fanak 7 Takke Baaxooxa Baxsa Le Margaqooqi Kinnim Qaddoosen.

Tama Baaxoh Addal Baxsa Le Caagiidal Yukreen Kee Rusiya, Belarus, Suuriya Kee Golan Heights, Falastiin Kee Gabbi Qaxih Suudan Fanal Geytimta Booditteh Caagiida Kinnim Qaddoose.

Adoytit Baaxooxa Isinni Agat Fayxil Rakitak Ta Baaxoh Baxsale Caagiidal Qokol Kee Sadi Cali Tatrusen.

Tahak Ugut Abak Itiyoppiya Adoytiitih Tan Baaxo Kinnuk Baxaabaxsa Le Caagiidal Leh Tan Mabla Qaddoosak, Ni Baaxo Radmoomal Baaxoh Caagiidil Qokol Alle Waytam Qaddosse.

Tannah Tan Margaqooqi Dumaak Sugteeh, Itiyoppiya Saddam Kassisse.

Ceelalloh, Itiyoppiya taqabi addat sugte saaku, ni baaxo oggole wayta caagidil baad caddol adam baxi cakkih mihratleelah komishin xissimtem kassiiseeh, Itiyoppiya kee kalah tan baaxooxa sittaluk cattiimak tet korisseh tanim baxxaqise.

Ta Baaxo Baxsale Caagida Xisimtam Wagitah Tan Baaxooxa Sitagelekal, Baadak Baatil Sangarah Buxah Reeda kee Doori Wagsiisak, Fokkaaqo kee Baadak Qadli Mabbux Lem kini.

Itiyoppiya Radmoomal Inki Baaxoh amobaxxaaqa Esseroora Tannah Tan Baaxo Baxsa Le Margaqooqi Qokoltam Kinnim Kassiisaak, Tama Koboxul Tatruseenih Yanin Margaqa Tah Tascassem Kassiise.

Itiyoppiya Falastiin Kee Israa'el Caagiidal Galli Maroh Eglal Aysaxaaxaguk Sugte Arac Akah Beyan Innah Abak Geytimtam Yescesse.

Israil kee Falastiin Namma Doolatih Fidgah Radmooma Qokoltam kee Namma Doolatak Meqe Angaaraw Lem kinni.

Itiyoppiya Falastiin Ummatta Isih Isinnih Xisaanamih Gaar Qokoltam Kassiisak, Galli Maroh Eglak Adam Baxi Cakkih Malah Buxa Faticisseh Tan Falastiin Isinnih Xiinissoh Margaqa (HRC/61/L.37) Qokoltam Kassiise.

Is Kaaduk Namma Doolatak Xalu Galli Maroh Eglak Amolladi Daffeyna Kee Saay Malah Buxah Margaqooqi Ugut Abak Abinosaanam Faxximtam Kassisse.

Gersi katuk fanti maacah addal tan taqabitte saanih qidaddo kee ayyuntiino caagiidal taqabi kataasak geytimtam kee tonnah kaadu konferensil katassah tan gutqo kee bohoy kinnim qaddosse.

Is kaaduk sissik girâ soolo kee fidga akah geytannah seeco xayyosse.