Mangattiinah inkittinaane diggoosak Mango Langittel Daddos kee meqeh xiinissoh Taamoomi Abbinoosak Geytiman. - ENA Qafar Afa
Mangattiinah inkittinaane diggoosak Mango Langittel Daddos kee meqeh xiinissoh Taamoomi Abbinoosak Geytiman.
Addis Ababa; Qado Dirrik 28/2018 (ENA):-Agatak Mangattiinah inkittinaane diggoosak Mango Langittel Daddos kee meqeh xiinissoh Taamoomi Abbinoosak Geytimaanam Federeshin Malah Buxak Ciggilta Caxah Afteenah Tan Zahara Cummad Qaddosse.
Gabbi Qaxih Itiyoppiya Kee Cugganeena Rakaakayitteh Doolat Angaarawih Gudgud Hawaasha Magaalal Gexisak Geytima.
Federeshin Malâ Buxak Ciggilta Caxah Afteena Tan Zahara Cummad Elle Qaddossennal, Agat Inkittinaane Xisne aLu Gurral Miraacisak Mangoh Tan Langitteh Daddos Kee Meqe Xiinissoh Caddol Xaloot Le Taamoomi Tekkeh Tanim Qaddosse.
Doolatitte angaaraw Maqarroosnuh Doolat Angaarowih siiratih Qagunta Ayyaaquk Taamitak geytiman.
Doolatitte Angaarawih siiratay Ummattak ummatta fanih fantaaxaw Diggoosak Doolat Fanat Yan Angaarow maqarroosak Sittaluk Taamitoonuh Kaxxa Doori lem Yescesse
Fanteenaani Siirat Daffeesak bica leh Yan federal Siirat xisoonuh Doolat dasturih Rakiibo Elle faxximta gurral Daffeesak Baarisak Tonnah Maqarle Gurra Dacarisaanam faxximtam qaddoose.
Mala Buxak Doolat Angaaraw, Ximokraasih Inkittinaane Kee Madqa Barittok Caagiidal Maytani Makaadoh Kutbeh Buxah Saqalah Tan Banchiyirga Melese Elle Qaddossennal, Institutionitte Sitta Lih Angaaraw Diggossah Tan Taamoomi Abak Geytimtam Qaddosse.
Asaakih Gudgud Naharsi Hadafa Dumaahi Gudgudul Geyteh Tan Maqaritte Diggoysaanam Kee Coocitte Kiboonuh Doolat Kee Ummattah Fanat Yan Angaaraw Diggoosaanam Kinnim Qaddoose.
Tonnah kaduuy radmoomal rakitak maqar le itta luk abit siirat dadlisak, rakaakayitte federaal siirat fooca fanah akah gexannah sinni doori digraanam xiqsiselem warse.
Sidaama Rakaakayak Majilsik Caxah Afteenah tan GiFantaye Kebede Taturte Sanootah Doolat Fanal Angaaraw Diggoysoonuh Tekkeh Tan Taamoomi Mango Xalu Lem Qaddosse.
Ta Sanatih Angaaraw kobox 7hytoh Amolladih Dooro Bicaluk Gexsitak Geytimaamih Taagah Baxsale Gurral Abbinoosak Geytiman
Fedraalsim Siiratay, Doolat Angaaroway, mangattiinah inkittinaaney Fedrala Siirat ityoppiyah Caalat Inta Radmol walal gudgud gexisak Geytiman
Tama Gudgudul Caxah Afteenitiiy, Rakaakayitte Saqlowtiy, Madqa Fayu Abeenitiy, Qadli Biiroh Saqlowti Edde Tengele.