Milaagi 8 Sanatih Addat Qafar Rakaakayal Intih Yambulluye Milaagi Yemeete :- Gifta Caamid Duula .

 

Addis Ababa Qado-Dirrik 26 Sanat 2018 (ENA)itiyoppiya Qusba Mafdaga Fan Culteh tan Qado-Dirrik 24-2010 Liggidaak Xabba-haanam Milaagi 8 Sanatih Addat Itiyoppliyay Baxsa Luk Qafar Rakaakayal Intih Yambulluye Milaagi Yemeeteh Yanim Rakaakayak Ciggiila Prezixenyih Bilhadal Ayyuntiino Kilasterih Koobaahiseey Rakaakayak Qaaday, Qunxaaneyta Kee Isporti Biirok Naharsi Saqal Gifta Caamid Duula Qaddoose .

Gifta Caamid Duula Milaaguk Duma Sugteh tan Caalootay, Milaagi Sanootah Addat Tekkeh tan Taamoomi Wagittaamal Baar Le Walal Abe .

Itiyoppiya Milaaguk Duma Dagoo Marih Fayxi Abinal Edde Assaah ,Dastuur Gexso Derreh Cabak Mango Rakaakayitte Deeloh Kak tan Siyaasa Abbinoowak Sugtem Kassiisak Itiyoppiyah Xaylo Abteh tan Milaagi Giclook Ugutak Baaxo Caddol Milaagi Yemeeteh Yanim Baxxaqise .

Qado-Dirrik 24,2010 Liggidah Yemeeteh Yan Milaagul Qafar Luk Sugte Mango Esseroora Tuduurem Kassiiseh Yan Gifta Caamid Duula Baaxo Caddol Itiyoppiyah Duddal Akkele-Iyyeenih Yascuboonu Duude Waak Yenen Kaxxa Kaxxa Cugaysoosa Dooqaysaanah Taamâ Fan Culusaanam Abeenih Yaniinim Yescesse .

Ballaaqe-Satqoh Fabrikaay, Bishoftul Xissiimak Geytinta Afrikal Nabah tan Qaran-Merraytih Guddaqta Edde Anuk Mango Cugaysoosay Baaxo Xayloh Niya Takke Xissiimak Geytintam Kee Itiyoppiyak Nabah Yan Asqassaabe Karawwad Dooqaysak Taamâ Fan Culsaanam Itiyoppiya Dibuh hinnay Afrikah Inkih Konnabna Tekkeh Tanim Diggoose .

Qafar Rakaakayal Tu-Mataabuka Inta Uma Daalissoy Sugteh Iyya Aggiluk Qafar Baaxoh Darriital Mangom Taabukem Xiqtam Abinah Yuybulluyeenih Yaniinim Kassiise .

Leeda Parti Xissinte Udduuruk Xabba-haanam Qafar Rakaakayay Buqre-Boola Edde Luk Sugtel Sirray Takkuu Mango Buqre Qaynootaay, Caxaaxuwa Kee Caxâmiiru Orbisak Maaqiddak Isinnih Isinni Xiqaanamih Caddol Gersi Rakaakayitteh Ceelallo Takkem Xiqta Taamoomi Abak Geytimaanam Gifta Caamid Duula Kassiise .

Qafar Rakaakayal Milaaguk Duma 67 Alfih Caxa- Dibuh Daabiseenih Sugeenim Kassiiseh Yan Gifta Caamid Duula Baaxo Caddol Naharsi Malaakih Uguugusul Qimbisen Anxaxin Raatih Taddeerak Ugut-abak Awayih Udduur Qafar Rakaakayal 39 Miliyoonih Caxa Daabiseenih Geytimaanam Warse .

Ni Rakaakayal Milaaguk Duma Saqi-Qayso 2 Alfih Hektaaral Dibuh Abquruk Sugeenim Kassiisak Awayih Udduur 29,000 Hektaar Takke Baaxol Saqi Qayso Yubqureenih Geytimaanam Diggoose .

Qafar Rakaakayal Qaafiyat Ludda Yaysiisoonuh Mango Taamoomi Tekke Iyyeh Yan Gifta Caamid Duula Baxsa Luk Qaafiyat Carkooki Qaafiyat Fanteena Fan Dadlisaanah, Qaafiyat Fanteenaani Kaaduk Hospitaal Caddo Fan Fayya Haanam Tekkeh Tanim Kassiise .

Qaafiyat Mihratleelah Caddol Kaaduk Milaaguk Duma Cooci Edde Sugeh Yan Dakaatira 110 Gufseenih Yaniinim Kee Specialistitte kaaduk 63 Takkem Ascassuuk Inkiyah Suge-weeh Yan Mobil Health 63 Fan Fayya Haanam Duudunteh Tanim kee Awayih Udduur Qaafiyat Caabih Ayfaaf 40 Daqaar Gufseenih Yaniinim Tahallih Kassiise