Qafar Rakaakayak Efeq Buqreh Daddoosih Caddol Akkuk Geytimita Taamoomi Maaqiddi Caabi Sinni Diggoosonuh Kaxxa Doori le - ENA Qafar Afa
Qafar Rakaakayak Efeq Buqreh Daddoosih Caddol Akkuk Geytimita Taamoomi Maaqiddi Caabi Sinni Diggoosonuh Kaxxa Doori le
Addis Ababa,Qado Dirri 25,2018 (ENA) Qafar Rakaakayal Caddol loonuh Yanin Gaddat Antifiquk Qimbiseenih Yanin Efeq Buqrel Sirray Daddoosih Gabâ makalak murtisso fanah Yawqoonuh Akkuk Geytimita Macalitte xaloot Ambullayuk geytimam Rakaaakaya Buqre Gino Gaddih Biiro Qaddosse.
Tahak Ugutak Doolat Ta Ludda Qasrino Le Gurral Yaysasonuh Teknologit Antafaqamuk Ta Luddak Murti Kee Mirtisso Fayya Hoonuh Hangi Acayuk Taamitak Geytiman.
Baxsaluk Ni Baaxol Buqreh Aydadul Liinoh Nan Fidin Ardi Kee Lee Weeqayti Adda Akak Gacah Yan Darifal Buqre Daddos Taamom Wo gidi AKkuk Suge Wayteh Tanim Tamixxigeh Tan Tiya kinni.
Tahak Ugutak Ni Rakaakayal Milaagu Lakal Tambuqurrem Xiqtah Tan Baaxo Osisak Temeeteh Tanim Kee 100 Alfi Daga Yakke Hektaral Baxaabaxsale Buqre Daddos Taamoomi Abak Murti Kee Mirtisso Kak Fayya Hoonuh Xalu Le Taamoomi Akkuk Geytimta.
Tahak Addat Akkuk Geytimta Sirra Buqre Daddos Taama Garab Dacarsittoh Xiinah Ayyuntah Aysaxaxaguk Ayyunti Buqre Daddos Taama fan Culam Xiiqah Yan Daddos Taamoomi Kulli Caddol Akkuk Geytimta.
Rakaakayak Buqre Kee Gino Gaddih Daddos Biiro Ciggila Saqalah Yan Gifta Qusman Macammad Iyeemih Rakaakayak Baxaabaxsale Daqoortil Akkuk Sugte Sirray Buqre Daddos Taama Awayih Uddur Murti Orbisak Geytimanah Yaninim Qaddoyse.
Ciggilak Rakaakayak Buqre Kee Gino Gaddih Daddos Biiro Buqre Satqo Xayyoyse Luddi Saqal Gifta Harun Qali Rakaakaayak Baxaabaxsale Daqoortil Akkuk Geytimta Buqre Daddos Taamoomi Yayseh Yan Xalu Baahonuh Faxximah Yan Satqoqi Xayyos Abaak Yemeeteenih Yaninim Kasisak Awayih Uddur Orobak Geytimah Yan Sirray Buqre Daddos Murtisso Kak Fayya Haanam Xiqmteh Tanim Qaddoyse.
Ellacabol Rakaakayak Buqre Kee Gino Gaddih Daddos Biirok Buqre Xayrokter Gifta Cammadu Macammad Rakaakay Caddol Maaqiddi Caabi Diggoysonuh Baxaabaaxsale Daqoortil Sirray Kee Baxaabaxsale Caxa Xuwa kee Caxa Miritte Suuf Ruddi Buqre Daddos Taamoomii Akkuk Sugteh Iyyak Murti Orbisanamih Taama AKkuk Geytimtah Tanim Kasisak Meqe Xalu AKak Geytimak Yanimit yaaben.
Gifta Cammadu Baxsaluk Dubtek Qaliqisah Awdal Akkuk Sugte Sirray Buqre Daddosih Kee Ruddi Kee Baxaabaxsale Buqre Daddosih Taamoomi Baaxo Caddol Yibbixeenih Yanin Gaba Makalak Murtisso Fan Iyyah Yan Insitavive Qokol Takkem Xiqtah Tan Taamoomik Murti Orbisak Geytiman.