Ityoppiya Agat Tuxxiiq Kee Dariifâ Dacrisa Numma Leeh, Aamantinaane Le Qande Xisseh Geytimta

 

Addis  Ababa  Qado-Dirrik  23/2018  9ENA) Kalali Qandeh Malaakah Tan E/R   Qeysha Macammad Agata Caddol Yekke  Milaaguk Wadiril Itiyoppiyah Konnabna Kee Agat Tuxxiqiiy, Tonnah Dariifâ Salaam Dacayrissah Tan Digga Le Qande Xissimteh Tanim Qaddosse.

Qado Dirrik 24 Sanat 2010 Agat Caddol Yekke Milaaguk Ugutak, Tabsi Doolat, Naharsi Malaak Abiyyi Acmad (Phd) Miraacisak, Doolat Xisoosah Xisneena Siirat Missoosaanam Edde Anuk Lafale Qamidduh Tan Taamoomi Akkuk Temeetem Yiysixxige.

Tah Wagsiisak, Maqar Kee Numma Le Amni Kee Nagaytaniinah Xissosa Xisaanam Agat Milaaguh Lafale Qamiidik Tan Taamoomik Tiyak Teyna Kinnim Kee Assakatle Taamoomi Gexsiisak Yemeetenih Yaniinim Tescesse.

Kalali Qandeh Malaakah Tan Injineer Qaysha Macammad ENA Luk Abte Walalal Elle Qaddossennal:- Taturte Bacra Sanatih Addat Milaagih Addat Ityoppiyak Kalali Qande Inkih Tan Xisoosah Caddol Baar Le Milaagitte Abtem Tescesse.

Kalali Qandeh Malaak Elle Qaddosennal Duddale Baaxoh Caylaay, Qaran Caylaa Kee Mekanized Edde Anuk Baddi Cayla Kee Baxsale Taama Kee Sayber Caylih Faxe Katuk Maysattakooki Baxqissam Duddah Tan Xiso Xisaanam Xiqqimteh Tanimiiy Tescessem.

Injineer Qeysha Macammad Elle Tescesenal Maqarle Xisoosâ Rakisso Bicisaanam Sahdayti Cayla Kee Qeebi Teknologil Baaxoh Kunnabna Daabissu Duddah Tan Agat Kalalih Caylih Xissimeh Yanim Tiysixxige.

Agat Milaagi Itiyoppiya Isi Dirki Kaxxa Duddal Abtu Xiqaah, Qeebik Xerkel Elle Yaysu Duudan Nummale Qande Taalluh Xiqsisseh Tanim Kassise.

Kalali Qande Qasri Teknolojih Silacite Osotinah, Baadal Gufeh Yan Qeebi Teknolojit Antifiquk Meqenal Xiinisam Duuddah Tan Sahdayti Gaddih Cayla Yacenimih Taama Garuq Sinnim Gexsitak Geytimtam Qaddose.

Qaskariyyoh Silaacittel Isih Is Xiqaanamih Agat Hadaf Aracat Haanam Kalali Qandeh Sanaaqat Xisoosal Assakat Le Milaagitte Tekkeh Tan Xalu Geyoonuh.

Malaak Elle Warsennal; Itiyyobiyak Kalali Qande Faxekkel Edde Tani Salaam Dacayrih Dirki Meqennal Abesak Rakaakayal Faxxiima Cayla Kinnim Issi Diggooseh.

Itiyoppiyah Gabat Agle Rakaakay Salaam Kee Xakak Faxxiimam Tascasse Xalu Geyteh Tanim Tamixxige. Itiyoppiya Afrikah Xaylo Afrikak Amni Kee Salaam Taqabitte Yafdigeenim Xiqaanamal Diggaluk Taamineh, Tah Fanah, Ta Malaak Iyeh, Taamitak Geytimam Afrikah Xayloh Salaam Kee Amni Cato Diggosonu Elle Xiqan Gexsit Kinnim Tiysixxige.

Mango Afrikah Baaxooxa Lih Kalali Qandeh Caagiidal Sitta Lih Taamitaanam Elle Duudan Sittin Gey Yekkem Qaddossek, Itiyoppiya Leh Tan Abak Raag Tabsaanam Kee Sitta Lih Taamitaanamih Bicat Geytimtam Qaddosse.

Injineer Qeysha Macammad Elle Qaddosenal Agat Tabaatabsa Qimbisak Itiyyobiyah Qande Duddaay,Adabiiy, Saykoloojii Kee Mabla Wagsiisak Faxe Misoyna Wagsiisak Curik Tanih Tan Qaskar Xisimeh Yanim Kee Ta Qande Doolat Dastur Kee Baaxoh Amobaxaqah Dibuuk Soolaanamih Uguugus Dafesenim Kee Faxe Siyaasah Raat Dafeysak Currik Tan.