Agat Konnabna Daccarsintuh Baaxok Yangalen Daalisso Yaxigeenim faxxinta :- Gifta Macammad Cuseen Qaliisa . - ENA Qafar Afa
Agat Konnabna Daccarsintuh Baaxok Yangalen Daalisso Yaxigeenim faxxinta :- Gifta Macammad Cuseen Qaliisa .
Addis Ababa ,Qado-Dirrik 22,2018,(ENA)Agat Konnabna Daccarsintuh Baaxok Yangalen Daalisso Yaxigeenim faxxintah Tanim Leeda Partik Qafar Rakaakayih Luddih Ku Buxak Naharsi Saqal Gifta Macammad Cuseen Qaliisa Yiysixxige .
"Itiyoppiya solisanay, Naqboyta Migda Waysiisanay" intah tan Itrol Rakaakayak Fayya le Miraacinuh Missoowe Gudgud samara Magaalal Gexsen .
Gifta Macammad Cussen Qalisa Gudgudul Geytimaak Iyyeemih agat konnabna diggowtuh Doolat kee Missoyna Digga le taamâ abak geytimtam Kee Naqboyti leh yan Hadaf baxqisoonuh doolat kee missoynak oyti amôraaq diggowam faxximtam Kassiisek Lakal Naqboytit Ratteemal abtah tan Angagoyyal Agat xisneh faxximta taamâ abanam faxxintah tanim Qaddoose .
Taturte 7 Milaagi Sanootah Leeda Partih Abbinoosul Tekkeh tan Taamoomi Ehaaxeg Soddom Sanootah Abe Waytem Kassiiseh yan Gifta Macammad Cuseen Uxi Kinnih Leeda Parti Ayyuntah Culteh tan Xagan Abbinoosak Gexelem Diggoose .
Agatak 7 heele amôladi dooro saay kee salaamal Tamarraquh Wagsissah tan dagortih Macal faxxiimam Gifta Macammad Cussen Qaliisa Illacabol Abeh Yan Yaabal Yiysixxige.
Tama Gudgudul Geytimaak Yab Abeh Yan Qafar Rakaakayak Ciggiila Prezixenti Gifta Qumar Nuur Qarba Iyyeemih Naqboyta Migda Waysiisanamal Qimbinteh tan Makcagguur Le Taamoomi Diggowelem Ascassuuk Tahah Missoyna Miraaciinuuy Adoytiit Inih Giffo le Doori Edde Leh Tanim Baxxaqise .
Gifta Qumar Nur Qarba Qagitaak Abeh Yan Yaabal Doolat Ayyyuntah Ayfaafay Mattacol Faxxima xaloot geytimuh Takkeh tan Abinittet Tambulluyeh tan Coocitte Missoosak Gexelem Ascassuuk Agat Caddol Qimbinteh tan Uguugusittek itiyo-koderisiiy ,Agat Mamaxxaga kee kalah tan afkanitte Maqarroosak Gexaanam Faxxintah Tanim Yescesse .
Ta gudgudut yengeleh yan Rakaakayak fayya le Miraaciini Abeh Yan Yaabal Alhumuy Xayyooweh Yani Rakaakay Tuxxiiq Fanteena abtah tan Gurral Abbinooseloonum Qaddosen .
Ta Alhum Rasuuy,Daqoorit Fan Oobisak Digga le Baaxo Doolatih Xisneh Maqar Luk Abbinoowelem Timixxige.