Doolat Xisnek Rakiiboh  Raqtah Tan  Fantenaanih Xisneh  Baxsa  Le Hangi  Akah  Acyuk   Taamitak  Geytima- Doolat Angaarawih Ayfaafa

 

Addis Ababa; Qado Dirrik 21/2018 (ENA): Doolat Xisnek Rakiiboh  Raqtah Tan  Fantenaanih Xisneh  Baxsa  Le Hangi  Akah  Acyuk   Taamitak  Geytimaanam  Doolat Angaarawih Ayfaafay Qaddosse.

Itiyoppiya Federaal Ximokraasih Ripablik (FDRE)  Warrayte   Milaagi Liggiditteh   Addat  Baaxoh  Caddol Sugteh Tan   Adda   Xer  Siyaasa  Taqbittek  Inktaanuk  Tan Ximokraasih Siirat  Fanah Tabisoonuh Matrak Sugteh  Tan  Gexkalittek  Makcaggur  Akah Daffeesak Xiiq Kee Sabri  Akak Taturak  Abbinoosak  Geytiman.

Agat  Caddol Yeexegen  Exxaaxil  Rakuh  Gacak  Mango  Liggiditteh Agat  Tuxxiqitte  Kee  Fayxil  Dubuk  Yeexegen  Exxaaxi  Gabak Ayyaaquk  Inkih Yan  Ayyunti  Gabah  Assagolla  Elle  Diggoosanam Duudumta  Gurra  Milaaginsiiratak  Rakiibo  Kinnim   Baxxaqisen.

Sarimmanele Salaam Kee Agat Mano Diggoosuh Adoh Fanat Holhol Akkuk Ayfaf Tacee Sittalluk Leh Yan Aydaadi Xisneh Addat Tunkuttubeh Tan Maysoosa Tabsi Doolatak Kaxxa Siyaasah Mayso Kinnim  Ascassuk  Agat  Caddol Boolital Loowimta Liggiditteh  Raagateh Tan Baxissa  Daalisso  Missoosak  Inkih  Tan Ummtah Gbaha Assagollal  Yangalen  Daalisso  Ginnoonuh  Milaagi Doolat Assakat Le Xaloot Ayballayuk  Geytiman.

Tonnah  Baaxoh Caddol  Nagaleh Nan  Kinnaanrk  Daalissok  Astah  Tan  Qadwa  Maysoh  Kassittoy, Ityoppiyak Nabah Yan  Asqassaabe Kee Gebtah Horah  Taddeerayh Caddol   Xissimak  Geytimita  Agatak Wacaysir  Wadbisso  Baarisak Baaxoh  Caddol  Elle  Kaxxiinitak Geytiman Abtoota  Kinnim  Baxxaqisen.

Mangatiinah  Inkittinaane   Baaxoh  Qaxmaqaane Oggolak Agatak Mabbalow Siirat Kimal Sugteh Tan Sittin  Fanih Shakkiy  Baxsiyyak  Kee  Nummal Rakuh Ane  Sinnih  Tan Daalisso  Missoosak Agat   Caddol  Yangalen  Daalisso Diggoosak Toobokiino  Kee Sittaliino  Luk Yangalen  Leediino  Miraacisak  Geytima.  

Doolat Xisnek Rakiiboh  Raqtah Tan Fantenaanih Xisen  Baxsa  Le Hangi Akah Acyuk Baxsaluk Saay, Qadali  Kee Demokraasih  Fantenaanih  Caddol  Ummatta Madqa Rakiibo Abak  Ayfaafay  Keenih Akah Yamcawwe Innah Aben  Milaagul  Xaloot  Amballayuk  Geytima.

Tahak Ugut Abak  Ximokraasih  Fantenaani  Xisaanam Dooro Borxi Kee Adam Baxi Cakkih Kommission Innah  Tan  Xisoosal  Malkimiseh  Tan  Exxaaxit Akah Miracsimta  Innah  Abnaamay Tonnah  Kalali Qande Kee Amni Fantenaani Faxe Qaynatih Siyaasa  Gabah  Culsak Curri  Akah  Takkennah  Abak  Inkih  Qadli Xisoosa  Curri  Akkuk  Ayfaf  Akah  Yacennah Abeenim   Qaddoose

Doolat Ta Demokraasi  Siiratih Xisne Fooca  Fanah  Maqarroose  Loonum  Ascassuk  Taamate Horah  Dadalate  Baaxoy  Muddaqiino  Leh  Xisak  Tabisnuh   Kulli  Numu  Aydaadu  Leh Tan Tekkot  Gabah Assagolla  Edde  Haak   Masuuliyatak Yawqeenim  Faxximtam  Kassisse.