Ciggiila Naharsi Malaak Temesgen Tirune Sultaan Qalimirac Canfaxe Kalqat Kee Masgidi Gufne Abe

 

Addis Ababa; Qado Dirrik 21/2018 (ENA )Qafar Rakaakayak Aysaaqita Magaalal Geytima Sulaatan Qali mirac Canfaxe Kalqat kee masgidit Gufne Abem Qaddoose.

Ninni Aydaadu Asqussubiyyak Sugeeti Daarinitte Daddosut Antifiquk Nanu Beerih Itiyoppiya Maqarle Rakiiboh Xisenno.

Tama Kalqat Mangoh Dabaanih Aydaadu lem kinnuuk 1940 Qimmisak Sulaatan Qali Mirac Canfaxe Edde Reede Qimboh Koona Sanatih Addat Rakiibo Akak Daffeesen Kalqat Kinnim Qaddoose.

 

Xer Aydaadu Le Sultaan Qali Mirac Canfaxeh Kalqat Kee Masjidil Naharsi Malaak Dr Abiyyi Acmad Fiirise Qikkibow Kitaabih Limok Geytimte Lakqot Xisaak Hori Konnabnah Akah Takkennah abeenim qaddoose.

Tonnah masgidil Dariifal Mango Waktih Sulaatan Qali Mirac Elle Mannoowak Sugeh Yan Aydaadu Le Arac Kinnim Qaddoose.

Masgidik Ukkuma Xaa Daffesem Sultaan Qali mirac Canfaxe Kinnim Takkay imma Xisnek Amarraqu Kalah Raagem Ascassuk Soddum Sanatak Gamdal Xisnek Gaba Kalak xayi waktih Addat Dooqaysimem Qaddoose

 

Ta Masjidi Itiyoppiyal Nabah Yan Masjidik Tiyak Teena Kinnim Ascassuk wacaysir wadbisso Baarisoonuh Kaxxa Doori Leh Tan Aydaadi Daaran Kinnim Qaddoose