Asaakî Macsenta Maaqiddi Caabii Kee Duddak Qunxaaneyti Taamâ Bagul Anuk Abak Sugen Barittoo Kee Aydakaakanak 15 Alfii Kee 492 Yakke Qunxaaneytaay Dooqaysen.

 

Addis Baba Qado Dirrik 18/2018(ENA):-Asaakî Macsenta Maaqiddi Caabii Kee Duddak Qunxaaneyti Taamâ Bagul Anuk Abak Sugen Barittoo Kee Aydakaakanak 15 Alfii Kee 492 Yakke Qunxaaneytaay Dioqaysen.

Addis Ababah Magaalalaay Qunxaaneytiiy Gabâ Makalaak Mortissô Fan Korsaanamaay Taqabi Addat Sugteh Tan Ayyunti Exxaaxi Taqabik Yayyaaqeenimil Xaloot Le Taama Akkukuuy Geytimta.

Ta Taamaay N/Malaak Dr Abiy Acmad Mablal Qinbisimteh Tan Konooy Takke Sissik Hinnammay Foyyâ Taddeeraarik Exxak Teenah Tan Qambalsim Kas Foyya Abaanamih Taddeera Magaalah Caddol Abbinoowak Geytimtah Tanim Magaalâ Xiinissoh Saqla Axaanech Abebeey Tescesse.

 

Taturteh Tan Koona Sanootah Addat 695 Alfi Takke Marittey Sifteneetit Qokkolsimak Sugte Awayih Uddur Ta Taddeerak Awaquk Buxâ Mara Qokolak Geytimaanah Yaniinimiiy Timixxige.

Gersi Katukuuy Magaalâ Caddoluuy 2014 Haytô Liggidaak Xabba Haanam Taamâ Qaada Nagay Abbinowteek Lakal Asaaku Dooqaysimteh Tan 8 Alfii Kee 852 Edde Aanuk 49 Alfi Takkeh Tan Maritte Gabâ Makal Kee Qambaalak Awaquk Isinnik Taturak Gersi Marah Ugtuma Akkuk Geytimaanah Yaniinimiiy Qaddowte.

Addis Ababah Magaalah Caddol Ta Bis Le Taamoomi Diggoysak Gabâ Makal Kee Qambalsim Mablak Inkih Yan Magaalah Ayyunti Awqe Leh Yani Magaalâ Xiinissoh Saqla Axaanech Abebeey Kassisse.