Itiyoppiya Iro Baaxok Saanih Investementih Qalaylih Caddo Yaysiisoonuh Bica Le Dariifa Ginnimteh Tanim -Malaak Dr Kassahun Gofe - ENA Qafar Afa
Itiyoppiya Iro Baaxok Saanih Investementih Qalaylih Caddo Yaysiisoonuh Bica Le Dariifa Ginnimteh Tanim -Malaak Dr Kassahun Gofe
Addis Ababa; Qado Dirrik 7/2018 (ENA): Itiyoppiya Iro Baaxok Saanih Investementih Qalayli Kee Dudda Ddalisoouh Bica Le Dariifa Ginnimteh Tanim Tellemmo Kee Dariifah Angaarawih Malaakah Yan Dr Kassahun Goofe Qaddosse.
Itiyoppiyak Xaagi Raceena Kee Ityoppiyak Investment Komshiini Sitta Luk Cattiimak Ityoppiyak Qubsah Tan Investment Wadibisso Fanah Inta Radmol Walal Gudgud Gexisak Geytiman.
Tama Gudgudul Tellemmo Kee Dariifah Angaarawih Malaakah Yan Dr Kassahun Goofe Ummattah Awlaytiitih Malâh Buxak Tellemmo Kee Wacaysir Caagidak Maytani Makaadok Ciggiila Koobahiseh Yan Yohunise Mesfen Ityoppiyak Investment Komshiinik Komshineer Dr Zellek Temsegen Tonnah Fedraalak Kee Rakaakayittek Investment Daddoosih Caagid Wagitta Mihratleela Elle Geytimite.
Tellemmo Kee Dariifah Angaarawih Malaakah Yan Dr Kassahun Goofe Iro Baaxok Saanih Investementi Baaxoh Addak Sarrimaane Le Gurral Dadlisoonuh Kaxxa Doorin Digrak Geytimita.
Iroh Baaxoh Investementi Kambanite Lakqo Dubuk Hinnay Ixxigay Dudday Baar Le Taama Saamih Ginnniyay Agat Qidaddoh Dalalah Kaxxa Doori Digarle.
Tiyoppiya Afrikah Caddol Nayjeeriyak Katayak Nammay Haytoh Caddol, Tan Baaxo Kinnim Ascassuk Gino Gaddat Elle Faxximta Gurral Antifquk Investmeteih Caddoh Baarisak Yamruteenim Faxximta.
Itiyoppiyak Baxaabaxsa Le Qidaddoh Siirat Investimentih Dariifal Kaxxa Uguugus Ginak Geytimam Kee Maqarle Sarimanele Daddos Akah Abbinoosan Innah Taamitak Geytimaanam Qaddoose.
Ityoppiya Afrikah Qarangubal Currik Tan Tellemmoh Dariifa Sittin Gey Abbinosiyyal Aamanti Leh Tan Investement Fantaaxaw Maqarroosak Bica Le Tellemmo Dariifa Ginak Geytiman.
Qikkiboh Doolat Baddi Furdah Ikoytiinoh Essero Salaam Le Gurral Qadliino Le Gurral Daabiseenik Ityoppiya Dariifa Tellemmo Kee Investement Le Caddo Dadlisoonuh Kaxxa Doori Lem Qaddosse.
Itiyoppiyak Xaagi Raceenak Leena Taama Gexseenah Yan Seyfu Derbe ENA Warraye Bacra Taban Kee Afarra Liggiditteh Addat Ityoppiyak Agat Tuxxiqitte Rakiibo Abak Agat Sittin Gey Ajenxittel Baaxoh Addah Afitte Kee Iro Baaxoh Afitteh Taamiatk Agat Tuxxiq Kee Agat Fayxil Rakuh Taamiatk Geytimaanam Qaddoose
Iroh Baaxok Ingiliiziiy, Qarabi Kee Faransaawi Afittey Tonnah Baaxoh Addak Koonoy Takke Afittey Oytitte Gaaboysak Mangattinaaneh Inkittinaaney Agat Caddol Sittin Geyel Rakuh Tan Xaagitte Xayyoosak Agat Tuxxiq Kee Inkittinaane Rakiibo Abak Taamitak Geytimaanam Qaddoose.
Itiyoppiyak Xaagi Raceena Kee Ityoppiyak Investment Komshiini Sitta Luk Cattiimak Ityoppiyak Qubsah Tan Investment Wadibisso Fanah Inta Radmol Walal Gudgud Gexisak Geytiman.
Tama Gudgudul Ityoppiyak Investiment Caddo Elle Baarisoonuy Geytimitte Xalitte Elle Sekkaacisak Fooca Fanah Takkuh Waytah Tan Taamooma Elle Yaysaxaxagoonuh Kaxxa Doori Lem Qaddoose.