Taham Fanah 9 Miliyeniik Daga Takke Maritte Doorô Karxi Hirigtih Taniimiy Qaddowte. - ENA Qafar Afa
Taham Fanah 9 Miliyeniik Daga Takke Maritte Doorô Karxi Hirigtih Taniimiy Qaddowte.
Addis Ababa Qado Dirrik 5/2018(ENA):-Malcin Heele Agat Caddoh Dooroh Taham Fan 9 Miliyeen Takke Doora Maysarraqa Abak Dooro Karxi Hirigteh Tanim Agatak Doorô Bordiiy Yiysixxige.
Agatak Doorô Bordiiy Doorok Taakume Bicitteetak Gaba Kalak Geytimah Yanimiiy Timixxige.
Bordiiy Doorâ Maysarraqa Kee Kalah Tan Caagiida Wagittaamal Rettiimah Maybalalaqaay Yecem.
Doorô Bordih N/Saqláh Tan Meelat-Werqhe Haylu Elle Tescesseh Tan Innalaay Tewqeh Tan Uddur Waadook Ugutakaay Doorâ Maysarraqa 6 Haytoh Alsak 28 Qinbisseh Tanimiiy Tescesse.
Ta Doorâ Maysarraqa Dijjitaal Kee Dagarah Doorâ Maysarraqah Fantenaanil Geytimak Inkih Akkuk Geytimtah Tanimiiy Baxxaqisse.
Doorô Mansoofah Baxcisso Wagittaamal Xissimteh Tan Doorô Fantteenaanî Fan Baxciseenih Yaniinim Kassiisakaay Taham Fan 9 Miliyeniik Daga Takke Doora Mausarraq Abak Doorô Karxi Hirigteh Tanimiiy Tiysixxige.