Qaafiyat Malaak Inonti Kee Alaaqah Dacayriiy, Buxah Marih Ikraaroh Ayfaafih Mattacayyoy Kee Aftabi Gaadu Wagittaamal Hangi Akah Acyuk Taamitak geytiman.

 

Addis Ababa; Qado Dirrik 4/2018 (ENA): Qaafiyat Malaak Inonti Kee Alaaqa Dacayri, Buxah Marih Ekraaroh Ayfaafay mataccayow

Kee Aftabi Wagittaamal Hangi Akah Acyuk Kusaq Elle Abak Geytimaanam Qaddoose.

Tama Malaak Addis Ababa Kee Jon Hopkins Jaamiqat Lih Cattiimak Kusaq Abelem Yiysixxigen.

Ta Cubbusso Agat Caddol Inonti Kee Alaaqah Qaafiyat Dacayrih Luddal Kaxxa Tuxxiq Lem Kee Taama Qimmiseenim Yiysixxigen.

Tama Kusaqih Taddeerah Aracal Geytimeh yan Qaafiyat Malaakih Xeetah Yan Dr Derajje Deguma Isil Katuk Iyyeemih Doolat Oytal Rakuh tan Margaqah Siirat Xisoonuh Teceh Tan Hangik Ugtak Inonti Kee Alaaqah Rabih Caddo Rammosaanam Duudumteh Tanim Qaddoosen.

 

Ta xaloot le Taamoomi Tekkem milaaguk Gamadal qaafiyat Fanteenani Baarisaanamay, faxxiimah Yan mansoofa Xayyoosaanamay Inontih Xalyak Naharal faxxiimah Yan qaafiyat Kattata abaanamay Caddol Tekkeh Tan Taamoomil Xaloot Ambullayuk geytima.

Away Qimmisen Kusaq Nummale Oyti meexak Baxsaluk Buxah Marih Ikraaroh Ayfaafittey, Inonti kee Alaaqa Qafiyatih Dacayrih Maxxat kee Aftabi Gaaduy kee Fooca fanah poolisitte Margaqooqih Edde Yantifiqoonuh Kaxxa Tuxxiq Lem Qaddose.

Addis Ababah Jaamiqatak Ayyunti Qaafiyatih Barittoh Buxah Exxah Dr Mulugeta Tamre Tama Kusaq Agat Caddol Inkih Tan Rakaakayitteh Caddol Akkalem Qaddoose.

 

Ta Itiyoppiyak Abbinosiyyay lowsiisiyya kee abinal Rakuh Yan kusaq Koona Sanata Fanah Akkuk Sugelem Kee Agat Caddol Oggoysimiyya Oytitte Xayyoosak Qaafiyat Luddal Xaloot le Taamoomi Abbinoosnuy Mexxat le Qaafiyat Ayfaafitte Diggoosonuh Kaxxa Doori Allalem qaddoose.

Tama kusaq qimbsiisiyyeh Taddeerah Aracal Federal kee Rakaakayite Qaafiyat Mirraacin Edde Angaluk tama kusaaqal Gaaboosnu waanah Yanin oytitte qaafiyat ayfaafih Tuxxqitte maqarle luk Dadlisoonuh Rakiibo Akkalem Qaddoose.