Itiyoppiyal Maqaddin Gadda Baaxoh Addal Elle Yamruteenim Duudumta Gurral Rakiibo Daffeesak Geytiman – E/R  habtamu Tegen

 

Addis Ababa; Qado Dirrik 4/2018 (ENA): Itiyoppiyal Istrateejik Yan Maqaddin Gadda Baaxoh Addal Yamruteenim Elle Duudumta Gurral Rakiibo Daffeesak Geytimaanam Maqaddin Malaakah Yan E/R Habtaamu Tegene Qaddoose.

Maqaddin Malaak Iyyeemih Kusaq Idnissok Amarraquk Murtisso Fanah Culoonuh Dahbay Biriitay Potash Murtisso Kambanitte Idinisso Acyuk Geytimaanam Qaddoose.

Tahak Ugut Abak Itiyoppiyak Investment Holding Potash Daddoosuy, ZWTB-DIM Manufakturing Biriita Daddosuy Tonnah Beero Maqaddin Dahab Daddosih Idnisso Yaceenimih Taamamtekkeh Tsanim Qaddoose.

Maqaddin Malaakah Yan E/R Habtaamu Tegene Iyyeemih Ityoppiya Leh Tan Maqaddin Gadda Daddos Kee Baaxo Dadalal Assisaanam Elle Duudumta Gurral Kaxxa Maaqatta Fooca Yeqteenim Baxxqise.

 

Maqaddinb Murtisoh Idinisso Akah Temcewwe Kombanitte Iro Baaxoh Tellemmoh Takke Lafale Istraateejik Murtitte Amrute Loonum Qaddosen.

Baaxoh Addal Biriita Murtisaanam Duudewaytam Xisneh Luddal Taqabi Kataasak Geytimam Ascassuk Away Aben Sittin Gey Ta Taqbitte Yafdigoonuh Kaxxa Doori Lem Qaddoose.

Itiyoppiya Baadal Kaxxam Mangoh Tan Maqaddin Gadda Le Baaxo Takkay Ikkah Tama Murtih Daddoosuk Tuxxiq Akah Geyan Innah Abe Waytam Kassiise.

Dahab Murtissoh Temcewwe Idinisso Ta Luddal Murtisso Qasriyyo Le Gurral Amaratuk Tuxxiqitte Nagasy Maqarroose Loonumm Qaddoose.

 

Itiyoppiyak Investment Holdingih Naharsi Saqalah Yan Dr Buruk Tayyu Elle Qaddosennal Itiyoppiyak Potash Gadda Dadlisoonuh Mango Gibbatitte Abak Sugeenim Takkay Ikkah Aham Fanah Tuxxiq Ane Waytam Kassiise.

Ayyunti Kee Canka Sekteritteh Fanal Yan Sittin Gey Maqarroosak Sanaaqatta Fanah Akah Yantifiqen Innah Abak Geytiman Maqaddin Gadditte Elle Faxximtah Yamrtutoonuh Faxximta Tan Bicitte Gaba Kalteh Tanim Qaddoose

Maqaddin Mayyaaqah Sumaqta Geyteh Tan Massoynaani Edde Yanih Yan Luddal Meqeh Tan Daddos Taama Abak Ityoppiyak Qidaddo Dadalal Isinni Doori Digraanam Faxximtam Yescesse.