Naharsi Saqal Cajji Awwal Qarba Elle Doorimah Yan Dooro Fanteenal Maysarraqa Abe .

 

Addis Ababa Caxah-Alsak 30,2018,(ENA)Qafar Rakaakayak Naharsi Saqal Massakaxxa Le Cajji Awwal Qarba Elle Doorimah Yan Sifra Daqaarak Qasa Xaa Dooro Fanteenal Asaaki Macsenta Maysarraqa Abak Dooro Karxi Hirge .

Baaxo Caddol Caxah-Alsak 28,2018 Xabba-haanam Itiyoppiyah Ummatta Dooro Fanteenaanil Geytimaak Dooro Karxi Beyak Geytiman .

Too Taddeerak Tiyak Teenah Tan Taddeerah Rakaakayak Naharsi Saqal Massakaxxa Le Cajji Awwal Qarba Elle Doorimah Yan Awsi Rasuk Sifar Daqaarak Qasa Xaa Dooro Fanteenal Ummatta Luk Gacak Maysaqarra Abaanamih Taddeera Gexse .

 

Dooro Ximokraasih Gital Abak Baaxo Miraacissa Doolat Xisaanam Ximikraasi Dadalah Isikkeh Doori lem Yescesseh Yan Masskaaxxa le Cajji Awwal Qarba Ummatta Isinni Doolatih Xisol Gaba Tassagallem Faxxintam Ascassuuk Dooraanah Doorimaanam Kaaduk Baaxo Baxiini Gar Kinnih Tanim Kassiise . 

 

Taturte Milaagi Malcina Sanootah Doolat Kee Parti Ummattah Culteh tan Xagan Aracat Haak Geytinta Iyyeh Yan Naharsi Saqal Cajji Awwal Qarba Raqteh tan Caagiida Kaaduk Elle Faxxintannal Abbinoosoonuh Leeda Parti Masquuliyyat Beyak Assakat le Maaqattooti Beyak Geytintam Diggoose .

Baaxo Caddol Agatak 7 Heele Amoladi Dooro Laqin-Alsak 24,2018 Gexsitele Axcuk Qambaalanam Tamixxige