Itiyoppiyak Agat Tuxxiq Dacrisaanam   Inkih Tan Itiyoppiyah Xayloh Dirki Kinni- Siyaasâ Missoynaanih

Addis Ababa; Caxah Alsak 28/2018 (ENA):Itiyoppiyak Agat Tuxxiiq Dacrisaanam Inkih Tan Itiyoppiyah Xayloh Dirki Kinnim Siyaasâ Missoynaanih Tiysixxige. 

 

Agat  Tuxxiqitte  Dacrisaanam  Agat  Muddaqiinoy,Qidaddo  Dadalay  Ayyuntiino Tuxxiq  Diggoosak  Yangalen Radamoomay  Agat Tuxxiq  Elle  Dacrisaan  Kinnim   Baxxaqisen.  

 

Itiyoppiyak Agat Tuxxiq Dacrisaanam Inkih Tan Itiyoppiyah Xayloh Ajenda Kinnim Ascassuk, Baxsaluk Agat Tuxxiiq Dacrisaanam Tu Taaxago Kee Siyaasâ Missoynaanih Masquuliyyat Kinnim Qaddoosen. 

 

Tah Wagsiisak Anaakarta Siyaasah Massoynaani Baxaabaxsale Siyaasah Mablooliiy Baxaabaxsale Poliisitte Loonum Takkay Ikkah Itiyoppiyak Agat Tuxxiq Dacrisoonuh Abaanah Yanin Macalittel Sittin Way Allewaanam Qaddoosen. 

 

Baxaabaxsale Siyaasâ Partitte Enah Elle Qaddoosennal Inkih Tan Ityoppiyah Xaylo Ityoppiyah Tuxxiiqi Dacrisoonuh Takkeh Tan Taamoomit Nagay Gabah Assagolla Haanam Faxximtam Kassiisen.

Ityoppiyah  Caddol  Siyaasay Ayyuntiinoy Qidaddo Kee  Diplomaasih Caddol  Agat  Muddaqiino  Elle  Dacrisaanam  Duudan Gurral  Xissiimak  Geytimita   

 

Ityoppiyak  Baddi Furdah Ikoytiinoh Essero Raddi Geyya Haytam Fanah Faxximta Macalitte Abak Doolat Xaqut Soole Loonum Yiysixxige 

 

Curriyyat Kee Inkigid Akkiyyi Partik Ummattah Angaarawih Saqalàh Tan Gifti Nebiha Macammad Elle Qaddossennal Ta Missoyna Ityoppiyah Inkittiino Daabissam Dudda Ciigidat Nagay Yan Agabah Assagallo Abak Geytimaanam Ascassuk  Ityoppiyah  Muddaqiinot  Booddam Dudda  Giddaanimit   Yakke  Bood  Siyaasa Baxsa  Akke Waytam  Qaddosse. 

 

Ityoppiyah  Caddol Ambad Le Siyaasa  Gexsitih Daffeesak  Agat  Muddaqiino  Kee Tuxxiq  Booddamat  Sittaluk Koysitak  Sarriino  Le  Salaam  Kee  Daddos  Elle  Baarime  Baaxoy  Ximokraasih  Siiratal Rakuh Tani  Xissimtuh Taamitak Geytiman.