Sayyok Yangalen Tuxxiqitte Diggoosonuh Assakat Le Taamoomi Akkuk Geytimita.

 

Addis Ababa; Caxah Alsak 24/2018 (ENA): Doolat Sayyok Inkih Yangalen Tuxxiqitte Diggoosonuh abak Geytiman Taamoomil Assakat Le Xaloot Ambullayuk geytimam Ciggiila Malakih Bilhaday Demokraasi Xisneh Koobaahissoh Fanteenah Saqalay Leedâ Missoynak Ciggiila Pirezdantih Yan Adam Farac Qaddoose.

Salaam Malaak kee Sayyoh Eglaalih Xisen luk Cattiimak " Sayyo Gabat Agle Leh Maqarale Leedde Itiyoppiya" Intah Radmol Agat Caddol Uguugus Taddeera Gexisak Geytiman.

Tama Gudgudul Adam Farac Abeh Yan Yaabal Iyyeemih Doolat Itiyoppiyal Yangalen Leeda abinah Diggoosonuh Sayyok Siyaasaay, Qidaddo Kee Ayyuntiino Angagoyyitte Fanteena aban waqdi Kinnim Qaddoose

 

Doolat Sayyok Siyaasaay, Qidaddo Kee Ayyuntiino Luddal Tanih Tan Boola Akah Missoosan Innah Taamitak Sayyo Inkih Yan Yangalen Tuxxiqitte Diggoosonuh Digga Luk Taamitak geytiman.

Sayyo siyaasah gabat agle kee awlaytiino Caddol kaxxa Coocitte Tanim Ascassuk sayyo miraaciino agat xisne kee sarrimaane le agat sittin geyih maqar le Gabah assagolla edde Hoonuh Taamitak geytiman

Federaal Caddol Sayyoh Gabah Assagolla fayya haak baad Caddol mamaxxaga Elle Geyak Geytimaanam Ascassuk Sayyoh maftaca Raqta aroocal Reedisak Tekke Taamoomil Xaloot Ambullayuk Geytimah Fooca fanah maqarroose loonum qaddoose

Sayyo Maddur Boola Dacrisoonuh Maduur Uguugus kee Murtissok Rakiibo Akah Yakkennah Abaanam Faxximtam Aminuk, 6.6 Milyoonuk Dagga Takke Sayyo Ardi Ikoytiinoh Sumaqta Akah Geyan Innah Abeenim Baxaqisen.

 

Adem Farah Tatruseh Yan Farmol Iyyeemih Barittooy, Qaafiyat Kee Ayyuntiino Dacayrih Luddal Yekkeh Yan Milaaguk Mango Sayyo Tuxxiq Rakiibo Abak kinnim qaddoose

doolat Ambad le Dimokraasi xisne kee sayyo inkih yan gabat agle kee tuxxiqitte akah Diggoosanah Abak Geytiman Taamoomi fooca fanah maqarroose loonum qaddoose

Salaam Malaak Macammad Edris, Isil Katuk Iyyeemih Salaam Sehdayti Baxih Mano Rakiibo Kinnim kee Salaam Le Ayyunti Mooraal Meqem kaban Asat Kinnim Qaddose.

 

Inkih Tan baaxoh caddol salaam Doggosoonuh inkih Sitta luk Cattiimak Macalanam Faxximtah Baxsa luk sayyoh gabat agle kaxxam faxximtam diggoose.