Qadwa Mayso Itiyoppiyak Taturak Afrikak Maysoh Asat Kinni - Cajji Awwal Qarba

 

Addis Ababa Caxah Alsak 23/2018 (ENA ): Adwa Mayso Itiyoppiya Taturak Afrikah Xaylok Maysoh Asat Kinnim Qafár Rakaakayih Perezxenti cajji Awwal Qarba Qaddoose.

130Hayto addah Assakaxxuk Geytiman qadwa maysoh Qaffayda Qafár rakaakayak Samarâ Magaalal Yessekexxen.

Pirezdant Awwal Qarba Elle Qaddossennal, Qaxwa Mayso Ni Abbobti Sitta luk inkittinaane maqarroosak Geyteh Tan Kaxxa Mayso Kinnim Qaddoose.

Tama Mayso Itiyoppiya Kee Afrikah Xayloh Maysoh Asat Kinnim Kassiisaak, Itiyoppiyak agat agattiinah ummattah inkittiino Diggoosak Geytimite Mayso kinnim Baxxaqise.

 

Qafár Ummatta Itiyoppiyah Muddaqiino Dacrisoonuh mangi Fida mekelak Yemeete Ayyuntak Tiya Teena kinnim Ascassuk Qafár Ityoppiyah Giddaanimil milaagime sinni Hadaf le Ummattah kinnim yescesse.

Ityoppiyah baddi furda edde wayteh Tan waktil qimbol Saddem Sultaan Qali Mirac Hanfere kinnim ascassuk Ityoppiyah Baddi Furdah ikoytiinoh Diggoosak Namma Hayto qadwa maysoh qagitaaga Genno Axcuk Qaddoose.

Inkih Tan data Ummatta Elle kaxxiinitah mayso kinnuuk inkittinaane diggoosah Daddos bisô maxcol digga luk Taaminnam Faxximtam Kassiise.

Ciggiila saqlih Bilhaday Rakaakayak Meqe Xiinissoh Kilasterik Koobahise Kee Doolat Daddoosih Eglaalih Kutbeh Buxah Saqal Acmad Cuseen isil katuk iyyeeemih Qadwa Inkittiino Diggoosak sitta luk elle koysinne Kaxxa Mayso kinnim qaddoose

Tama Taddeerah Aracal Rakaakayak Fayya Le Miroctiiy, Kalali Qandek Kilbatti Ayrô Mawqah Ezih Mirocti Kee Adoytiitiy, Itiyoppiyak Federaalak Poolisik Kilbatti Ayrô Mawqah Polis Kutbeh Buxah Mirocti Kee Adoytiitiy, Tonnah Baatil Kalalih Exxaaxiy Baxaabaxsa le Saay Caylitte Edde Tengelem Yiysixxigen.