Rakaakay Caddol Tatre Malcina Alsih addat 4.6 Biliyoonih Birri Culentah Gaabooseenim Timixxige .

 

Addis Ababa,Caxah Alsa 21,2018(ENA ) Qafar Rakaakayih Caddol Baxaabxsa le Culenti Raceenaanik Tatre Malcina Alsih addat 4.6 Biliyoonih Birri Culentah Gaaboosaanam Xiiqinteh Tanim Rakaakayak Culenti Biiro Tiysixxige .

Gaabooseenih Yanin Culenti Ikraarok Booltal 98 Gaba Kinnih Tanim Kee Tatre Liggidak ta Wakti Luk Qeedaalisaanah Yanin Udduur Booltal 51 Gaba Fula Leh Tanim Warsen .

Rakaakayak Culenti Biirok Naharsi Saqal Gifta Awwal Qabdu Elle-Qaddooseh Yaninnal Rakaakay Caddol Madduur Fayya Iyyuh Culenta Gitah Gaaboosak Dadalak Geytinta Ayyuntak Daddoos Fayxih Raddi Yacoonuh Baxsa le Hangi Yeceenih Taamitak Geytimaanam Qaddoose .

Tahaak Ugutak Nibbixeh Nan Mizaaniyyat Liggidah Culusenno Axcuk Ikraariseenih Yanin 8 Biliyoonih Birrik Daga Takke Lakqok Tatre Malcina Alsih Addat Dibuh 4 Biliyoon 663 Miliyoon 8 Boolih Alfiiy 6506 Birri Gaaboosaanam Xiiqinteh Tanim Yescesse .

Gaabooseenih Yanin Culenta Baxaabxsa le Raceenaanik Gaabooseenim Yesceseh Yan Gifta Awwal Qabdu Ta Culenti Tatre Liggidak Tabisle Wakti Luk Qeedaalisaanah Yanin Udduur 1.5 Biliyoonih Birri Fula Leh Yanim Diggoose .

Culenti Biiro Mizaaniyyat Liggidah Ikraarisseh Tan 8 Biliyoon, 261 Miliyoon 919 Alfih Birrik Raqtem Ciggilta 5 Alsitteh Addat Gaaboosoonuh Hangi Yeceenih Taamitak Geytimaanma Kassiise .

Qiso Meklaanam Qasri Uguugumiinih Asta Kinnim Yescesseh Yan Gifta Awwal Qabdu Tellemmo-abeenit kee Faxe Caddol Geytima Miraaciini Ikraaro Arac Xagtuh Isinni Masquuliyyatak Yawqeenim Faxxintah Taniimih Farmo Tatruse