Agatak 7 Heele Amoladi Dooro Tasseleelequ Wayta Sayyoh Aydakaakaniseenit Aydakaakan Qimbisen . - ENA Qafar Afa
Agatak 7 Heele Amoladi Dooro Tasseleelequ Wayta Sayyoh Aydakaakaniseenit Aydakaakan Qimbisen .
addis ababa ,Caxah-Alsak 21,2018 (ENA)Itiyoppiyak Sayyo Federeshinih Koobaahissol Agatak 7 Heele Amoladi-Dooro Tasseleelequ Wayta Qafar Sayyoh Aydakaakaniseenit Aydakaakan Samara Magaalal Qimisen .
Gudgudul Geytimaak Fakkenti Yab Abteh tan Itiyoppiyak Sayyo Federeshinik Leena-Xaytikteerih Tan Gifti Gennet Suyyum Inteemih Itiyoppiyak Sayyo Federeeshin Siivil Eglay Currik Tani Kinnim Ascassuuk Agat Caddoh Doorol Sayyo Isi Gabah Agle Haysittuh Fidin Taamoomi Akkuk Geytintam Kee a Aydakaakanisak Mangom Qambalsintah Tanim Diggosse .
Doorol Sayyo Isi Masquuliyyatak Tawquh Macal Akkuk Geytimam Tescesseh Tan Federaalak Sayyo Federeshinik Taama Selta Makaadoh Adoytaay Qafar Rakaakayak Sayyo Federeshinih Prezixentih Tan Gifti Faatuma Canfaxe Away Aydakaakan Kah Yaceenih Yanin Sayyo Qafar Rakaakayak Kulli Rasuk Tengele Sayyo Kinnim Ascassuuk Aydakaakanak Lakal Guba Fan Oobak Ilaa Awdoodi Caddol Tan Sayyoh Aydakaakan Aceeloonum Kassiise .
Aydakaakanal Tengeleh tan Sayyo Isinni Le Katuk Abeenih Yanin Yaabal 18 Karmaak Dagah Tan Sayyo Doorok Raaqe-waytuh Akkuk Geytima Macal Ruffa Ken Haam Kassiisak Geenih Yanin Aydakaakan Ilaa Guba Fan Oobisak Qafar Sayyol Tabiseloonum Diggoosen.
Itiyoppiyak Sayyo Federeshin F.L.L 2008 Liggidah Xissinte Siivil Missoynay 54 Takke Eglaali Addat Leeh Baaxo Caddol 8.6 Miliyoon Takke Sayyo Adoytiitih Le Kinnih Tanim Tamixxige .