7heele Amolladi Doorol Ummattal Xongolol Mayso Akah Geytah Innah Hangi Akah Acyuk Taamitak Geytiman- Siyaasâ Missoynaani - ENA Qafar Afa
7heele Amolladi Doorol Ummattal Xongolol Mayso Akah Geytah Innah Hangi Akah Acyuk Taamitak Geytiman- Siyaasâ Missoynaani
Addis Ababa Caxah Alsak 21/2018(ENA) 7heele Amolladi Dooro Ummatta Xongolo Kee Fayxil Rakuh Gacak Mayso Akah Geytannah Hangi Akah Acyuk Taamitak Geytimaanam Siyaasâ Missoynaani qaddosse
Itiyoppiyak Agat Dooroh Borxi Yeyyeeqeh Yan Madabiinoh Taddeerak Ugutak Abak 7hele Amolladi Dooro Laqin Alsak 24 Sanat 2018 Akkele.
Dooroh Bicih Taddeerak Tiyak Teyna Fayxih Maysarraqa Gexsitak Geytimtam Kee Inkih Tan Dooro Fanteenal Dooro Marih Maysarraqa Akkele Axcuk Qambaalan.
Tonnah Kaadu Dooro Agat Caddol Akah Takkem Baaxo Kee Ummatta Miraacissa Doolat Xisnuh Kaxxam Faxxiima Caagid Kinnimih Taagah Ta Gexsit Curriinoy Qidiinoy Qadliino Kee Dimokraasi Gital Takkuh Kulli Num Kak Qambalsimam Abam Faxximtam Kassiisen.
Dooro Borxi 7heele Amolladi Dooroh Qalalat Siyaasa Missoynaanik Elle Qalalan Dooroh Asat Yisixxigeenim Tamixxigeh
7hayto Amolladih Dooro Curriinoy Qadliino Kee Demokraasi Gital Takkuh Isinni Loftak Awqe Loonum Siyaasâ Missoynaani Qaddoosen
Inkih Tan Siyaasa Missoynaani Doorot Faxxiima Gabah Assagolla Edde Hoonuh Taakumeh Tan Bicitte Elle Faxximta Gurral Abak Geytiman.
Agat Caddol Takke Dooro Salaam Kee Saayal Takkuh Inkih Yan Ayyunti Exxaaxiy Sivil Ayyuntih Eglaaliy Siyaasa Missonaani Keenil Tan Qaaqak Yawqeenim Faxximta.